Wellington City Libraries

Te Matapihi Ki Te Ao Nui

Ngaahi Ngāue mo e Fakamatala ki he Ngaahi Taumu'a Ngāue Kehekehe

Laipeli 'i Loto kolo 'o Uelingatoni

(Hala Victoria, Loto kolo Uelingatoni)

'I he Laipeli 'i Loto kolo' 'oku ma'u 'i he fungavaka hono ua 'a e ngaahi tohi fekau'aki mo e ngaahi ngāue mo e ngaahi taumu'a ngāue kehekehe. Ko e fika 'o e laupapa 'oku meimei ki he 650.1 - 650.14. Ko e ngaahi kaveinga 'oku kau ai 'a e CV, tohi talangāue, founga 'o e faka'eke'eke mo e kumi ngāue.

Ma'ae kinautolu 'oku iiki ange ko e konga ma'ae to'utupu 'i he levolo 'uluaki 'oku ma'u ai 'a e ngaahi fakamatala 'oku 'aonga.

Kātaki 'o 'eke ki ha taha 'o e kau ngaue 'i he laipeli 'oka fiema'u ha tokoni he 'oku 'i ai 'a e ngaahi tōpiki ia 'oku lava ke ma'u atu mei he konga kehe 'o e laipeli'.

management picture

Ngaahi Va'a Fakakolo 'o e Laipeli

Ko e ngaahi tohi fekau'aki mo e ngaahi taumu'a ngāue kehekehe mo e ngaahi ngāue kehekehe 'oku lava ke ma'u ia 'i he fakafika tatau pe. Ko hona faikehekehe pe 'e si'isi'i ange 'a e me'a 'oku ma'u 'i he ngaahi va'a laipeli.

Kapau ko e tohi 'oku ke fiema'u 'oku lolotonga 'ave ia 'e ha taha pe 'oku 'i he laipeli ia 'e taha, 'oku fiema'u ke ke kumi 'i he katiloka. 'E lava ke ke ta'ofi ha tohi 'aki 'a e $2.00, pea 'e 'oatu ki ho'o va'a laipeli ke ke toki ma'u mei ai.

'Oku lahi foki mo e ngaahi me'a ngāue 'oku lava ke ke ma'mei he 'initaneti, 'e lava ke ma'u ai 'a e ngaahi fakamatala 'oku ke fiema'u. Kātaki 'o 'eke ki he tokotaha ngāue laipeli 'oka ke fiema'u ha tokoni.

management picture

Fekumi 'i he Katiloka

Ko e 'uluaki fekumi ke fai 'i he BASIC SEARCH (fua kumi). 'Oku sai ange ke faka'aonga'i 'a e SUBJECT BROWSE (fekumi fakatatau ki he kaveinga), pe ko e KEYWORD (fo'i lea tefito). 'Oku lava 'e he kumi ko 'eni 'o 'ave hangatonu koe ki he katiloka.

  • RESUMES (SĪVĪ) 'e ma'u atu ai ha ngaahi tohi ki hono fatu ho'o CV.
  • APPLICATIONS FOR POSITIONS (TOHI TALA NGĀUE) 'e lave ke ma'u ai 'a e ngaahi tohi 'e tokoni atu pea 'oatu mo ha ngaahi fa'ifa'itaki'anga 'oku 'aonga ki hono fatu 'o ha tohi tala ngāue.
  • Ko e EMPLOYMENT INTERVIEWING ('INITAVIU NGĀUE) 'e lava ke ma'u atu ai ha ngaahi tohi ke tokoni atu ki hao faka'eke'eke ki ha ngāue.
  • JOB HUNTING (KUMI NGĀUE) 'e lava ke ma'u atu ai ha ngaahi tohi ke tokoni atu ki ha'o kumi ngaue, kau atu ai mo ha'o kumi ngaue 'i he 'initaneti.
  • OCCUPATIONS (NGĀUE TU'UMA'U) 'e ma'u atu ai ha ngaahi tohi ki he ngaahi faingamālie fakangāue mo e ngaahi taukei fakangāue pe fakaako 'oku fiema'u ke fai 'aki ho'o talangāue.
  • CAREER CHANGES (FETONGI NGĀUE) 'e tokoni atu ia kapau 'oku ke fetongi ho'o ngaue lolotonga, pea 'oku ke fakakaukau'i pe 'e anga fefe.
  • CAREER DEVELOPMENT (FAKALAKALAKA 'I HE NGĀUE) 'e lava ke ke ma'u atu ai mo ha ngaahi tohi ke tokoni atu ke ke tauhi 'a e ngaahi taukei ngāue ke hoa mo e fiema'u 'o e 'aho' ni pea mo e anga 'o hono fakamatala'i atu koe mo ho'o taukei fakangāue.
management picture

Ngaahi Nusipepa mo e Makasini

'Oku ma'u 'i he ngaahi laipeli kotoa pe 'a e tatau 'o e Dominion Post. Ko e konga tu'uaki ngāue 'oku 'asi 'i he nusipepa 'o e Pulelulu mo e Tokonaki.

'Oku ma'u 'i he Laipeli 'i Loto kolo 'a e nusipepa mei he ngaahi tapa kehekehe 'o Nu'u Sila ni 'o kau ai 'a e NZ Herald, the Press mo e Otago Daily Times.

'Oku lava foki ke ke faka'aonga'i 'a e initaneti ta'e totongi 'i he kotoa 'o e ngaahi Laipeli Fakakolo 'o Uelingatoni ke ke lau mei ai 'a e ngaahi nusipepa. 'Oku mau lava 'o ma'u 'i he 'initaneti 'a e ngaahi nusipepa 'i Nu'u Sila' ni mo e fakavaha'a pule'anga foki. (Click here 'okapau 'oku ke 'i ha komipiuta 'initaneti ta'e totongi pe ko ha komipiuta 'i tu'a he laipeli).

management picture

Ngaahi tu'asila 'initaneti 'aonga

Ko e ngaahi komipiuta 'initaneti ta'etotongi 'i he ngaahi laipeli 'oku lava ke ke ma'u ai 'a e ngaahi tu'asila 'initaneti 'a e pule'anga 'o kau ai:

  • Department of Immigration, 'o ma'u ai 'a e ngaahi fakamatala fekau'aki mo e ngaue 'i Nu'u Sila, kole ngofua ngāue mo e alā me'a pehe.
  • Career Services Rapuara, ko e va'a ngāue 'a e pule'anga 'oku lava ke ma'atu ai 'a e fakamatala fekau'aki mo e ngaahi taumu'a ngāue kehekehe, fakahinohino mo e fale'i.
  • KiwiCareers, ko e tu'asila 'initaneti 'oku fakapa'anga 'e he pule'anga 'oku 'i ai 'a e ngaahi ngāue 'i Nu'u Sila ni, ngaahi ngāue'anga mo e ako'anga ngāue, pea mo e ngaahi uepisaiti kehe 'e lava ke ma'ai mo ha ngaahi fakamatala tatau.
  • Seek, ko e taha eni 'o ha tu'asila 'initaneti manakoa taha 'i Nu'u Sila' ni 'i he kumi ngāue.
  • Job Stuff, ko ha tu'uaki ngāue mei he nusipepa ka 'oku ma'u 'i he 'initaneti.
  • New Zealand Government Jobs Online, 'oku ma'u atu ai 'a e ngaahi fakamatala fekau'aki mo e ngaue fakapule'anga.
  • National Library of New Zealand, 'oku ma'u ai 'a e ngaahi uepisaiti kehekehe 'oku fetu'utaki 'i he ma'u'anga ngāue.

Our libraries I Joining I Borrowing