Na Veiqaravi me baleti ira na Gone
E sega ni saumi na i curucuru ni lewe ni vale ni wilivola. E rawa ni soli vei ira na gone na nodra dui i vola palasitika ni lewe ni vale ni wilivola. Me sainitaka na i tubutubu na fomu nei luvena, ka nona i tavi talega me raica ni ra vakasukai e na kena gauna dodonu na i vola kei na veika tale e so.
Na Veika era rawa ni Cakava na Gone
E tu Storytimes (na gauna ni talanoa) e na veimacawa vei ira na gone era se bera ni tekivu vuli, ka tiko e na gauna ni sereki na nodra gauna na gone era sa tekivu vuli.
Na nodra veisiko na gone vuli
E rawa ni lako vata kei na nona kalasi ko luvemu ki na vale ni wilivola, e na gauna ni vuli. E rawa ni ra tauri i vola na gone vuli e na i lakolako vakakoronivuli, kevaka e tiko na nodra i vola palasitika ni lewe ni vale ni wilivola.
Bookbusters
E tiko na nodra i soqosoqo ni wilivola ko ira na gone yabaki 7 ki na 8, ka yacana na Bookbusters
Na veika ko rawa ni taura mai na vale ni wilivola
E levu na veika e tu e na vale ni wilivola me baleti ira na gone, cauravou kei na gone yalewa, e sega ni saumi na kedra tauri ni vakayagataki na i vola palasitika ni lewe ni vale ni wilivola (vakavo ke ra DVD - 50c e na dua na macawa). E rawa ni ko taura na levu ga ni ka ko vinakata, ia e na rawa ni yalani na levu ni DVD ko rawa ni taura.
Kevaka ko sega ni vakasuka na veika ko taura e na siga e dodonu me ra vakasukai kina se ni bera na siga oqori, ko na sauma na kena i totogi vakailavo. Mo vakasuka na veika ko taura ki na vale ni wilivola ko a taura mai kina. Kevaka e sega, ko na sauma e $1 e na veika yadua ko taura.
| Dua na macawa na kena tauri | Totogi ni vakasukai bera |
|---|---|
| DVD kei na Video | 50c dua na siga |
| I Vola Tukutuku e vakagauna na kedra tabaki | 30c dua na siga |
| CD | 30c dua na siga |
| Va na macawa na kena tauri | Totogi ni vakasukai bera |
|---|---|
| I Vola | 30c dua na siga |
| Tevu (tape) | 30c dua na siga |
| I vola kei na kena tevu (tape) se CD | 30c dua na siga |
Na i vola
Era tu na i vola me baleti ira na gone dramidrami, gone lalai, ira na gone vuli kei ira era qase cake. Era tu na i vola e vakamacalataki kina na veika me vukei ira na gone vuli e na nodra cakava na veilesoni e soli me ra la'ki cakava mai vale, kei na nodra vakavakarau e na veitarogi.
Era tu e so na i vola era volai Vakaviti me baleti ira na gone. E levu vei ira na i vola oqori era tiko e na vata naba 491.471; raica e na vanua e tabaki tu kina na i vola taucoko sara eke.
- Na Wiliwili : counting numbers in Fijian and English
- Na Veiroka : colours in Fijian and English
- Matua Vosa : Fijian alphabet with English translations
(Era tu na veivola oqo e na vale ni wilivola na Central Library, kei na vale ni wilivola e Johnsonville, Karori, Kilbirnie, kei Newtown)
Era tu talega e so na i vola tukutuku me baleti Viti e na i wasewase me baleti ira na gone. E rua na kena i vakaraitaki oqo:
- Fiji Children 996.11 GUI
- Fiji = Viti Children 996.11 COO
Na tabana e tabaki tu kina na nodra i vola taucoko na gone e na komipiuta
E vakarautaki na tabana oqo e na komipiuta me ra vakayagataka na gone. E rawa ni vakayagataki na tabana oqo me caka kina na vakaqaqara e na tabana e tabaki tu kina na i vola taucoko ni vale ni wilivola, e na dua na komipiuta e na vale ni wilivola se e na veitaratara vakakomipiuta. E tu talega kina o na i tukutuku ni veika e vakayacori tiko e na vale ni wilivola, kei na i sema ki na so tale na vanua e na veika e yaga vei ira na gone. Tekivu vakaqaqara.
Na nodra i Tavi na i Tubutubu
E nodra i tavi na i tubutubu kei na dauveisusu me ra kila na veika era raica tiko na gone e na vale ni wilivola kei na veika era taura mai kina.
E rawa vei ira na gone me ra raica ka taura na veika ga era vinakata mai na vale ni wilivola. E wili kina na i wasewase ni veika me baleti ira na uabula, ka vakavo ga e so na video, DVD, kei na CD e yalani vakalawa na nodra yabaki ni bula ko ira era rawa ni raica (me vaka na R16).
E sega ni i tavi ni vale ni wilivola na nodra qarauni na gone era biu tu vakai ira. Kevaka e sega ni laurai se rawa na veitaratara kei ira na nodra i tubutubu se dauveisusu, e na vakaraitaki na kena i tukutuku vei ira e dodonu me ra kila. E na laurai eke sala ni veitaratara kei ira na gone na neitou i dusidusi.
Cauravou kei na Goneyalewa
Era wili vakacauravou kei na goneyalewa ko ira era yabaki 13 ki na 18. E dodonu me ra sainitaka na i tubutubu na nodra fomu na gone era se bera ni yabaki 16, ka nodra i tavi talega me ra raica me vakasukai na i vola kei na veika tale e so, e na kena gauna dodonu.
E tiko e na vanua e tabaki kina e na komipiuta na nodra i wasewase na cauravou kei na gone yalewa ka yacana na Hyper Youth.
Kevaka ko gadreva na veivuke, yalovinaka kerea e dua na vakailesilesi e na vale ni wilivola me vukei iko. E neitou i tavi me keitou vukei iko.
Na veika e tu me vakayagataki me baleta na vuli
E levu sara na veika e tu e na vale ni wilivola me vukea na vuli. E wili kina na i dusidusi ni veika e vulici e na NCEA, na NCEA study guides, kei na veivanua yaga e tabaki tu kina na i tukutuku e na komipiuta ka yacana na S*Lab, kei na veitaro me tarogi, ka yacana na Any Questions.
Kevaka ko gadreva na veivuke, yalovinaka kerea e dua na vakailesilesi e na vale ni wilivola me vukei iko. E neitou i tavi me keitou vukei iko.
