Important:

At Alert Level 2 most our branches will open from Thursday 9 September, but with some restrictions in place to keep staff and the community safe (more information about Libraries at Level 2).

Wellington City Libraries

Te Matapihi Ki Te Ao Nui

'O Alagā'oa o Sāmoa mo Tagata Mātutua

O le Fale Faitautusi o le A'ai o Ueligitone, e i ai Nusipepa, Mekasini, Tusi ma Fatuga o musika fa'a Samoa i CDs, ma le tele o nisi tusi aogā mo tagata Pasefika.

O Nusipepa

O le Central (Faletusi) Tūtotonu o lo‘o iai nusipepa ‘ese‘ese mai so‘o se pito o Niu Sila. O nei nusipepa e lē mafai ona nonōina i tua - ua tatau lava na o le faitauina i totonu o le faletusi.

O upega o feso‘ota‘iga mo talafou fa‘asamoa ua mafai lea ona maua i luga o initaneti o komepiuta e leai se totogi a faletusi uma.  O nei upega o feso‘ota‘iga e aofia ai le Samoa News, ma le Samoana Online (Samoan news websites).

O Mekasini

O mekasini Pasefika o lo'o i le Fogāfale Muamua o le Fale Faitautusi Tǖtotonu, e latalata ane i fa'asitepu uila. E mafai ona e faitauina mekasini i totonu o le Fale Faitautusi, pe e te aveina fo'i i tua le kopi nonō mo le vaiaso e tasi i lau card, (Pepa Fale Faitautusi). E i ai fo'i mekasini atonu e fia faitau ai tagata Samoa ma le lautele o tagata Pasefika pe, so'o seisi lava. E aofia ai le:

O DVD ma CD musika

E mafai ona e aveina i tua CDs ma DVDs mo le vaiaso e 1 i lau Pepa o le Fale Faitautusi. E i ai le tupe e totogi mo le fa'aaogāina o alagā 'oa nei, o kaseti, DVD ma CDs. A o i ai sau Pepa Fa'amaonia mo Fesoasoani Fa'apitoa (community services card), e te aveina aitema nei i le afa o le tau masani.

O CDs musika e i le Fogāfale i lalo o le Fale Faitautusi Tūtotonu i le vāega o le, Sound & Vision Centre. Taga'i i le vāega o World Music: Samoa. O le lālā o le Fale Faitautusi o Newtown e i ai pese a atumotu o le Pasefika, e aofia ai pese a le aufatupese e pei o le Pacific Soul, Marina ma le Jamoa Jam. E i ai fo'i fatuga o pese lotu

A'oa'oina o le Igilisi

amazon book cover

Focus on IELTS, Susan O'Connell.

O ā matou fatatusi e i ai:

  • Tusi e uiga i le nofoāumau ma le soifuaga i Niu Sila, e aofia ai tusi kuka, tusi i ma matāfaioi o mātua ma le soifua malōlōina
  • Tala e fa'afiafiaina ai

O aitema nei o lo'o maua i le itū mo Tusi o A'oa'oga mo Tagata Mātutua (Adult Learning Collection). E maua i le fatatusi o lo'o i ai numera nei, o le 420.7 ma le 428.24. E maua fo'i i le vāega o lo'o i ai uma Kaseti, CDs, DVDs ma videos ua fa'aigoaina o le, (Central Sound & Vision Centre). E i ai Tusi o A'oa'oga mo Tagata Mātutua i le Fale Faitautusi Tutotonu, i Central, i Newtown, i Ruth Gotlieb (Kilbirnie), i Johnsonville, i Miramar ma Karori Libraries.

O aitema uma nei e lē TOTOGIINA pe a ave i tua e fa'aaogā mo le 3 vaiaso. E leai se tapula'a o le aofa'i o aitema e mafai ona e aveina i tua e fa'aaogā.

Mo nisi fa'amatalaga, asiasi ane i la matou ta'iala mo le matā'upu o le Igilisi e Fai ma Gagana Lona Lua English as a Second Language subject guide.

 

O Tusi

O lo'o i ai tusi i matā'upu e tele (e fa'aSamoa ma tusi e fa'aIgilisi), e pei o nei:

  • O Talafa'asolopito ma Aganu'u a Samoa
  • O Tala Fa'asolopito
  • O tala'aga o soifua o tagata
  • Tusi a tamaiti i le gagana Samoa E la‘itiiti se matou vaega o nei tusi i totonu o le Central (Faletusi) Tutotonu fa‘apea le tele o isi lālā e mafai ona fa‘aavanoa atu. E mafai ona e faitauina nei tusi i totonu o le Faletusi, po‘o le nonōina fo‘i mo le 3 vaiaso i lau pepa o le Faletusi.

Tusi i le Gagana Peretania

O le tele o tusi e mafai ona nonō mo le 3 vaiaso.  O a matou tusi ua fa‘avasegaina lea i fuainumera ma o le faiga lava lenei e tasi i totonu o isi lalā.  Mo se fa‘ata‘ita‘iga, The Road Code (O le Tusi Ta‘iala mo le ‘Auala) mo ta‘avale, pasika ma laisene o ave loli ua teu lea i luga o le fata i lalo o le numera 343.0946 DON.  O lo‘o iai kopi i faletusi uma ma e mafai ona nonō mo le 1 le vaiaso.  Afai e leai ni kopi o iai i le taimi nei, e mafai ona e fa‘atonuina sau tusi i le fa‘aaogaina lea o lau Pepa o le Faletusi (Library Card).

O nisi nei o matā'upu e ono aogā mo oe:

  • 428: learning English
  • 499.4: kalama o le gagana Samoa ma tusi e su'e ai uiga o upu
  • 500s: o le fa'asaienisi, su'esu'ega o fetǖ ma le vanimonimo, o lā'au totō, o lā'au ma manu ese'ese
  • 610-616: o le soifua mālōlōina
  • 640-649: o le tausiga o lou āiga, o su'isu'iga mo le āiga, o lavalava mo tamaiti ma tagata mātutua, o kuka ma matāfaioi o mātua.
  • 650s: fa'amatalaga e uiga i le faigaluega i totonu o Niu Sila
  • 700s: o tusi o tusigāata, musika, ata tifaga & fa'afiafiaga
  • 800s: tusitusiga ma fa'aaogāga ese'eseo gagana, e aofia ai solo, tala fa'akoniseti, tusigātala ma tusi
  • 900s: o atunu'u, fōlauga/faigāmalaga ma talafa'asolopito, e aofia ai le talafa'asolopito o Samoa (996.14), Samoa ma fōlauga ma su'es'uga o le laufanua (919.6i3), fa'apea fōlauga/faigamālaga i Niu Sila (919.31).
amazon book cover

Gagana Samoa : a Samoan language coursebook tūsia e Galumalemana Afeleti L. Hunkin.

Syndetics book cover

Samoa's journey, 1962-2012
aspects of history

 

Fa'amolemole, fesili pe a fia maua se fesoasoani e sa'ili se tusi o e mana'o ai.

About | News