Important:

At Alert Level 2 most our branches will open from Thursday 9 September, but with some restrictions in place to keep staff and the community safe (more information about Libraries at Level 2).

Wellington City Libraries

Te Matapihi Ki Te Ao Nui

Na Veiqaravi me baleti ira na Gone

E sega ni saumi na i curucuru ni lewe ni vale ni wilivola. E rawa ni soli vei ira na gone na nodra dui i vola palasitika ni lewe ni vale ni wilivola. Me sainitaka na i tubutubu na fomu nei luvena, ka nona i tavi talega me raica ni ra vakasukai e na kena gauna dodonu na i vola kei na veika tale e so.

Na veika era rawa ni Cakava na Gone kei na nodra Porokaramu

E tiko na gauna ni wili talanoa e na veimacawa vei ira era se bera ni vuli e na veivale taucoko ni wilivola, ka vakarautaki na veika me ra cakava na gone vuli e na gauna e sereki kina na vuli. E vakarautaki tale ga e so na ka me ra cakava na gone, ka wili kina na nodra gauna na gone dramidrami kei ira na i tubutubu, kei na i soqosoqo ni veisau i vola nodra na i taba gone taucoko. Taroga e na vale ni wili vola e na nomu yasa ni koro na i tuvatuva ni veika e na caka, se raica e na tabana ni What's on.

Na veika ko rawa ni taura mai na vale ni wilivola

E rawa ni ra taura wale na veika taucoko e tu e na vale ni wilivola e na nodra i wasewase na gone kei ira na cauravou kei na gone yalewa, ka vakavo ga na DVD, kevaka era vakayagataka na nodra library card. E rawa ni tauri na levu ga ni ka e vinakati.

Kevaka ko sega ni vakasuka lesu na ka ko taura e na siga e dodonu me vakasukai kina, ko na sauma vakailavo. Vakasuka lesu na veika ko taura ki na vale ni wili vola ko taura mai kina. Kevaka e sega, ko na sauma e $1 dua na i yaya ko a taura.

Dua na macawa na kena tauri Totogi ni vakasukai bera
DVD kei na Video 50c dua na siga
I Vola Tukutuku e vakagauna na kedra tabaki 30c dua na siga
CD 30c dua na siga
3 na macawa na kena tauri tiko Totogi ni vakasukai bera
I Vola 30c dua na siga
Tevu (tape) 30c dua na siga
I vola kei na kena tevu (tape) se CD 30c dua na siga

Na i vola

Era tu na i vola me baleti ira na gone dramidrami, gone lalai, ira na gone vuli kei ira era qase cake. Era tu na i vola e vakamacalataki kina na veika me vukei ira na gone vuli e na nodra cakava na veilesoni e soli me ra la'ki cakava mai vale, kei na nodra vakavakarau e na veitarogi.

Era tu e so na i vola era volai Vakaviti me baleti ira na gone. E levu vei ira na i vola oqori era tiko e na vata naba 491.471; raica e na vanua e tabaki tu kina na i vola taucoko sara eke.

(Era tu na veivola oqo e na vale ni wilivola na Central Library, kei na vale ni wilivola e Johnsonville, Karori, Kilbirnie, kei Newtown)

Era tu talega e so na i vola tukutuku me baleti Viti e na i wasewase me baleti ira na gone. E rua na kena i vakaraitaki oqo:

Na tabana e tabaki tu kina na nodra i vola taucoko na gone e na komipiuta

E vakarautaki na tabana oqo e na komipiuta me ra vakayagataka na gone. E rawa ni vakayagataki na tabana oqo me caka kina na vakaqaqara e na tabana e tabaki tu kina na i vola taucoko ni vale ni wilivola, e na dua na komipiuta e na vale ni wilivola se e na veitaratara vakakomipiuta. E tu talega kina o na i tukutuku ni veika e vakayacori tiko e na vale ni wilivola, kei na i sema ki na so tale na vanua e na veika e yaga vei ira na gone. Tekivu vakaqaqara.

 

Na nodra i Tavi na i Tubutubu

E nodra i tavi na i tubutubu kei na dauveisusu me ra kila na veika era raica tiko na gone e na vale ni wilivola kei na veika era taura mai kina.

E rawa vei ira na gone me ra raica ka taura na veika ga era vinakata mai na vale ni wilivola. E wili kina na i wasewase ni veika me baleti ira na uabula, ka vakavo ga e so na video, DVD, kei na CD e yalani vakalawa na nodra yabaki ni bula ko ira era rawa ni raica (me vaka na R16).

E sega ni i tavi ni vale ni wilivola na nodra qarauni na gone era biu tu vakai ira. Kevaka e sega ni laurai se rawa na veitaratara kei ira na nodra i tubutubu se dauveisusu, e na vakaraitaki na kena i tukutuku vei ira e dodonu me ra kila. E na laurai eke sala ni veitaratara kei ira na gone na neitou i dusidusi.

Cauravou kei na Goneyalewa

Era wili vakacauravou kei na goneyalewa ko ira era yabaki 13 ki na 18. E dodonu me ra sainitaka na i tubutubu na nodra fomu na gone era se bera ni yabaki 18, ka nodra i tavi talega me ra raica me vakasukai na i vola kei na veika tale e so, e na kena gauna dodonu.

E tiko e na vanua e tabaki kina e na komipiuta na nodra i wasewase na cauravou kei na gone yalewa ka yacana na Teens.

Kevaka ko gadreva na veivuke, yalovinaka kerea e dua na vakailesilesi e na vale ni wilivola me vukei iko. E neitou i tavi me keitou vukei iko.

Na veika e tu me vakayagataki me baleta na vuli

E levu sara na veika e tu e na vale ni wilivola me vukea na vuli. E wili kina na i dusidusi ni veika e vulici e na NCEA, na NCEA study guides, kei na veivanua yaga e tabaki tu kina na i tukutuku e na komipiuta ka yacana na S*Lab, kei na veitaro me tarogi, ka yacana na Any Questions.

Kevaka ko gadreva na veivuke, yalovinaka kerea e dua na vakailesilesi e na vale ni wilivola me vukei iko. E neitou i tavi me keitou vukei iko.

About | News