Important:

At Alert Level 2 most our branches will open from Thursday 9 September, but with some restrictions in place to keep staff and the community safe (more information about Libraries at Level 2).

Wellington City Libraries

Te Matapihi Ki Te Ao Nui

Au'aunaga mo Tamaiti ma le Tupulaga Talavou

storytime

E leai se totogi o lou avea ma sui auai o le fale faitautusi. E mafai ona i ai le pepa (card) o le fale faitautusi a tamaiti ma le tupulaga talavou. E tatau ona sainia e mātua pepa. O latou fo'i e tatau ona va'aia lelei ia tausisia aso e fa'afo'i mai ai tusi ma nisi aitema i le aso fa'atonuina ma e le'i fa'aleagaina.

Polokalame ma mea e fai mo tamaiti

O lo‘o iai taimi mo fagogo po‘o tala mo tamaiti laiti e le‘i o i le a‘oga (preschool) i vaiaso ta‘itasi  i faletusi uma fa‘apea ma  mea e fai i le tu‘uaga o a‘oga mo tamaiti  a‘oga.  E iai nisi polokalame mo tamaiti e aofia ai taimi mo matua ma pepe fa‘apea kalapu (club) tusi mo tamaiti e ‘ese‘ese tausaga le matutua.  Fesili i le faletusi o le tou pitonu‘u mo se lisi o mea e fai, po‘o le asiasi ane i le matou Itūlau o mea o lo‘o tutupu What's on.

 

O mea e mafai ona e nonōina mai i le faletusi

mother and child

O mea uma a le faletusi, se‘i vagana ai DVD, o lo‘o i totonu o le vaega o le faletusi mo tamaiti ma tupulaga talavou, e leai se totogi e nonō ai e tamaiti ma tupulaga talavou i a latou pepa o le faletusi (library cards).

O le a e totogiina se tupe pe afai e te lē toe fa‘afo‘i maia nei mea i le aso e tatau ona toe fa‘afo‘i mai ai po‘o se aso e i luma mai.  Ia toe fa‘afo‘i mea i le faletusi na e nonōina mai ai a leai o le a e totogiina le $1.00 i le mea e tasi.

Nonōina mo le vaiaso e tasi Totogi o le tuai na fa'afo'i
DVD 50 sene i le aso
Viteō (Video) 50 sene i le aso
Mekasini 30 sene i le aso
CD 30 sene i le aso
Nonōina mo le tolu vaiaso Totogi o le tuai na fa'afo'i
Tusi 30 sene i le aso
Kaseti lipine 30 sene i le aso
Tusi (ma se Kaseti po 'o se CD) 30 sene i le aso

O Tusi

E i ai a matou tusi mo pepe, tamaiti laiti, tamaiti ua a'o'oga ma tamaiti ua ta'isefulu ma ona tupu tausaga. E i ai a matou tusi o fa'amatalaga e fesoasoani i tamaiti ma le tupulaga talavou i le faiga o a latou mea a'oga e fai i le fale, ma su'esu'e ai mo su'ega.

E i ai a matou tusi fa'aSamoa ma le fa'aKilipati mo tamaiti. Fesili i se isi o le aufaigāluega e fa'asino atu le it o lo'o i ai tusi nei pe e te siakiina le kataloki (catalogue) i i.

Kataloki a Tamaiti (Kid's Catalogue)

O kataloki lenei ua tusia fa'apitoa e fesoasoani i tamaiti i le sa'iliga o mea o i totonu o le fale faitautusi. E mafai ona latou fa'aaogāina komepiuta i le fale faitautusi po'o le initaneti. O le Kataloki mo a Tamaiti e i ai fa'amatalaga i mea o lo'o tutupu i totonu o le fale faitautusi fa'apea ma feso'ota'iga i Upega o fa'amaumauga e aogā mo tamaiti. Amata le sā'iliga.

Matāfaioi a Mātua

O le matāfaioi o mātua ma ē o lo'o tausia tamaiti, o le silafia lea o mea o lo'o va'ava'ai i ai tamaiti i totonu o le fale faitautusi, pe o ā fo'i aitema o lo'o latou nonōina i tua i ā latou pepa o le fale faitautusi.

E lē o se matāfaioi a le fale faitautusi le tausia o tamaiti e lē o va'ava'aia e ō latou mātua. E logoina ē ua pulea ni tulaga fa'apea pe a l ē mafai ona fa'afeso'ota'i matua po'o ē o lo'o tausia tamaiti. O la matou ta'iala o le, Fa'afeso'ota'iga o Tamaiti.

E mafai ona va'ava'ai ma nonō i tua e tamaiti ma tupulaga talavou so'o se aitema o lo'o i le fale faitautusi, e aofia ai aitema i le itu a tagata mātutua. Vāganā ai nisi vitiō, DVDs ma CDs e fa'atulāfonoina tausaga o tagata e fa'atagaina. (e pei o le R16).

Tupulaga Talavou

teenagers

O tupulaga talavou, o i latou ia e i le va o le 13 ma le 18 tausaga. O mātua e tatau ona sainia pepa mo i latou uma e i lalo ifo o le 18 tausaga, ma o mātua fo'i e gafa ma le va'aiga o tusi ma nisi aitema, ina ia tausisia aso e fa'afo'i mai ai.

E i ai le vāega o la matou upega o fa'amaumauga mo le tupulaga talavou ua ta'ua o le Teens.

Alagā'oa mo su'esu'ega

E tele aitema i le fale faitautusi e fesoasoani e su'esu'e ai. E i ai ta'iala mo le NCEA, fa'apea feso'ota'iga i upega o fa'amaumauga aogā. E i ai le S*Lab ma le Any Questions.

 

Our libraries I Joining I Borrowing