Important:

At Alert Level 2 most our branches will open from Thursday 9 September, but with some restrictions in place to keep staff and the community safe (more information about Libraries at Level 2).

Wellington City Libraries

Te Matapihi Ki Te Ao Nui

Na veiqaravi ni vale ni wilivola

E taukena na vale ni wilivola yadua e Weligitoni na i vola, i vola e vakagauna tu na kedra tabaki, na CD kei na DVD era tu kina, ka tu na teveli kei na i dabedabe me vakayagataki e na vuli lesoni.

E levu na i vola e rawa ni tauri me va na macawa na kena dede, ia e dua ga na macawa na balavu ni gauna e rawa ni ra tauri kina na CD, na i vola e vakagauna tu na kedra tabaki, kei na DVD.

Na tauri i vola kei na veika tale e so

E dodonu mo curu (e so tale na i vakamacala me baleta na curu) me rawa ni dua na nomu i vola palasitika ni lewe ni vale ni wilivola. E sega ni saumi na curu vei ira taucoko era vakaitikotiko e na koro levu ko Weligitoni, ka ra wili kina na gone.

E rawa ni ko vakayagataka na nomu i vola palasitika ni lewe ni vale ni wilivola, mo tauri i vola mai na na tabana ni vale ni wilivola e na vanua ko vakaitikotiko kina. Kevaka ko tiko e na taudaku ni koro levu ko Weligitoni (me vakataka na koro levu mai na Hutt City, Porirua, Paraparaumu) e rawa ni ko curu e na vale ni wilivola ni vanua ko vakaitikotiko kina ka tauri i vola mai kina, se mo curu ki na vale ni wilivola e Weligitoni (e so tale na i vakamacala me baleta na curu kevaka ko tiko e na taudaku ni koro levu lo Weligitoni).

 

E na solia vei iko ko koya na vakailesilesi e na vale ni wilivola e dua na tiki ni pepa e na gauna ko taura kina e dua na ka. E na volai tiko e na tiki ni pepa oqori na veika taucoko ko taura, kei na siga me ra vakasukai lesu kina ki na vale ni wilivola. Me ra vakasukai lesu taucoko na veika e tauri ki na vale ni wilivola era tauri mai kina, ni bera ni sogo na vale ni wilivola e na siga e dodonu me ra suka kina. Kevaka e sega, e tiko na kena i totogi me na saumi (e so tale na i vakamacala me baleta na i totogi).

Kevaka ko vakayalia se vakacacana e dua na i vola, e bibi sara mo veitaratara kei na vale ni wilivola. E tiko na i lavo me na saumi kina; kevaka e sega ni saumi, e na vakau na dinau ki na kabani e dau kumuni dinau.

Some of our friendly staff

Na vakaqaqara i tukutuku

Era tu na vakailesilesi e na vale ni wilivola me ra veivuke. E rawa ni ko kere veivuke me vakaqarai vei iko e dua na i vola, i vola tukutuku e vakagauna tu na kedra tabaki, CD se DVD ko via taura, ka rawa tale ga ni ko kere i vakamacala mai vei ratou. E sega ni saumi na veiqaravi ni veivuke oqo.

E tu na tabana e tabaki tu kina na veika taucoko sara e tu e na vale ni wilivola ka rawa me tauri. Vakaqara na vanua oqori eke. Kerea e dua na vakilesilesi ni vale ni wilivola me vakaraitaka vei iko na ka mo cakava.

Na kena tauri vakawawa tu e dua na i yaya

Kevaka sa taura oti e dua tale e dua na ka ko vinakata, e rawa ni ko vola na yacamu e na vanua e volai kina na yaca tu vakawawa. Ni sa vakasukai lesu na i yaya ko vinakata, e na vakaraitaka yani vei iko na vale ni wilivola ni sa rawa ni ko la'ki taura mai. E $2 na kena i sau vei ira na uabula. Kerea e dua na vakailesilesi ni vale ni wilivola me vakamacalataka vei iko na ka me caka.

E na via veitaratara kei iko na vale ni wilivola e na so na gauna, me vaka na kena tukuni yani vei iko ni sa rawa ni ko la'ki taura na i vola ko a vinakata me tauri tu vakawawa. E na rawa ni qiri yani na talevoni vakamisini. Kevaka ko nanuma ni cala na matailalai ni veika e vakaraitaki yani, e dodonu mo qiria na vale ni wilivola e na naba (801-4040).

Na vakavoui ni gauna me vakasukai lesu kina na veika ko taura

E rawa ni ko vakavouya vakadua ga na gauna me vakasukai lesu kina na veika ko taura. Kerea me cakava vei iko e dua na vakailesilesi e vale ni wili vola e na gauna ko tiko kina e kea, se vakavouya e na komipiuta e na www.wcl.govt/nz/card, e na gauna ko raica tiko kina na i tukutuku ni veika ko taura mai na vale ni wili vola. Ni ko sa raica na i vakalekaleka ni i tukutuku ni veika ko sa taura oti, raica vinaka na i vakatakilakila e na yasa ni veika ko vinakata me vakavoui na gauna me qai vakasukai kina ka tabaka na i bulukau ka yacana na 'renew button' – e na qai vakaraitaki mai na tiki ni siga vou me vakasukai kina na veika ko sa vakavouya.

E duidui na balavu ni gauna e rawa ni tauri kina e dua na ka, ka vakatau tiko oqo e na mataqali ka e via tauri – raica e na tabana ka yacana na borrowing page na i vakamacala me baleta na balavu ni gauna e rawa ni tauri kina e dua na ka, se taroga e dua na vakailesilesi ni vale ni wili vola. E na sega ni rawa ni ko vakavouya na balavu ni gauna mo taura tale kina e dua na ka, kevaka sa vakaraitaka oti tu e dua tani tale ni vinakata me taura na ka oqori. Kevaka e saumi na kena tauri e dua na ka ko via vakavouya (me vaka na nodra DVD na uabula), ko na sauma tale na i sau oqori kevaka ko via vakabalavutaka na gauna mo taura tiko kina.

Kevaka e vinakati e so tale na i tukutuku me baleta na veiqaravi oqo, taroga e na vale ni wili vola e na vanua ko vakaitikotiko kina.

Na veitaratara e na meli livaliva

E rawa ni ko kerea me vakau yani vei iko e na meli livaliva na veika me baleta na i yaya ko kerea me tauri tu vakawawa, kei na bera ni nomu vakasuka e so na i yaya. Vakalewena na fomu e na misini, online form, se taroga e na vale ni wilivola e na vanua ko vakaitikotiko kina.

Na vanua e tabaki kina na veika me baleta na vale ni wilivola e na komipiuta kei na veitaratara vakakomipiuta

E tabaki na veika me baleta na vale ni wilivola e na www.wcl.govt.nz, ka tu kina e vuqa sara na veika me vakayagataki.

Era tu e na veivale ni wilivola taucoko e Weligitoni na misini ni veitaratara vakakomipiuta e sega ni saumi, ka rawa ni vakayagataki e na veitaratara kei na veitabana ni matanitu (e wili kina na Tabacakacaka ni Curu Vanua).

Era tu e na vanua e tabaki kina na veika me baleta na vale ni wilivola e na komipiuta, na i vakamacala me i dusidusi e na veiulutaga me vaka na veiqaravi vakaitubutubu, kei na veika vakabisinisi. E na so na i wasewase, e na gadrevi kina mo taipataka na naba ni nomu i vola palasitika ni lewe ni vale wilivola e na komipiuta, me rawa kina ni dola vei iko na veivanua e tu kina na i tukutuku maroroi.

About | News