Important:

At Alert Level 2 most our branches will open from Thursday 9 September, but with some restrictions in place to keep staff and the community safe (more information about Libraries at Level 2).

Wellington City Libraries

Te Matapihi Ki Te Ao Nui

Teen Blog

Reading, Wellington, and whatever else – teenblog@wcl.govt.nz

Tag: kareremawhai2015

Te rārangi toa. Anō te pai!!

Tēnā koutou ki a koutou ngā kaituhituhi o te motu nei.  Pārekareka ana te pakiwaitara o te whakataetae Maiwahtuhituhi  ki a mātou??

Ngā mihi nui ki Te Rauhina kei Te Kura Kāreti Kōtiro o Te Whanganui-a-Tara.  Ko Te Rauhina te toa matua o te whakataetae katoa

Kua riro i a ia tētahi rorohiko pōnaho, (Samsung 7” lite tablet),  Mīharo kē!

Ka mihi hoki ki Te Kura Kaupapa Maori O Te Ara Hou, kua riro i a

koutou he haki hei hoko pukapuka ( $250.00) te mea nei rua tekau ma rima ngā takiuru  i tuku mai ki te whakataetae nei.

Kua riro i a Waimirirangi te paraihe angitu a te kaiwhakawā, he haki hei hoko pukapuka, he rawe tānā tuhituhi i te Rāmere!!

Ākuanei ka tuku imera ki a koutou ngā toa.

Ngā mihi ki a koutou katoa kua tuku whiti hei hapai i te kaupapa Māwhaituhituhi!!

Ka mau te wehi!!

 

 

 

 

 

Kātahi kua oti te paki, kei te āta whiriwhiri māua i te toa!

Kua oti te paki – engari kei te whakaaro tonu mātou kō wai te toa o te whakataetae! Nau mai anō ki tēnei whārangi ki te pānui i te pakiwaitara katoa, ā hei te Rāapa ka whakapuaki te toa rangatira ki kō nei hoki. Ākuanei, e hoa mā!

Mā whero mā pango ka oti ai te mahi!

Ka mihi mātou ki a koutou ngā tauira i tautokohia te kaupapa o Māwhai Tuhituhi.  Nā koutou te ia o te paki, nā koutou te kaupapa pai.

Kei te tika te whakataukī, mā whero mā pango ka oti ai te mahi. Ko tērā te hua o te Māwahi Tuhituhi, mā tēnā mā tēnā ka oti ai te pakiwaitara!!

A te Rāhina ka whakapāhotia te whiti whakamutunga, ā, ngā ingoa o ngā whakaihuwaka matua o te whakataetae Māwhai Tuhituhi.

Hei te Rāhina koutou

 

 

 

 

Te reka o te reo!

He mihi ki a koutou, ngā kaituhi katoa! I noho wahangū māua i te whare pukapuka i tēnei ata, kōhimuhimu ana “te rawe hoki o ngā whiti i tēnei ata! Me pēhea e whiriwhiri tētahi anake?”

Engari kua kōwhiri maua i tētehi toa mō te Rāpare – ko koe TJ, kā wani kē!

Heoi anō, he reka te rere o te reo me ngā kupu whakahirahira I ngā whakaurunga katoa. I kata māua i te pānui mō Whataitai e noho whai tākiri i a ia, i āta whakaae ki te whakaaro me kumanu i ngā uri tangata ki te Whanga-nui-ā-Tara, I hiamo ki te tāwiriwiri a Ngake, ka whakaaro tonu… ME AHA INAIANEI?

 

Ka aha ngā taniwha?

Te maha o ngā whiti kua tae mai kē i tēnei rā ki te whakataetae Māwhai Tuhituhi.  He tino rawe ngā aria i tēnei rā.   Kei te huakina tonu te whakataetae i te rā nei, kaua e tatari, tukuna mai ngā whiti!!  Kei te pīrangi mātou ki te mōhio ka aha ngā taniwha?

Tukuna mai tō whiti ki raro nei, kei te whārangi Māwhai Tuhi rānei. Karawhiua!

 

Mīharo!!

Tēnei te mihi ki ‘Te Kura Kaupapa Maori O Te Ara Hou’, ō koutou kaha ki te tuhituhi pakiwaitara.  Kā mau te wehi!!  Ka haere pai te whakataetae o Māwhai Tuhituhi, he mahi pakiwaitara tuhituhi ā-ipurangi hei whakanui i Te Wiki o Te Reo Māori 2015.

 

Tukuna mai tō whiti ki raro nei, kei te whārangi Māwhai Tuhi rānei. Karawhiua!