Kia ora anō koutou mā
Ka haere te paki ki wīwī, ka haere te paki ki wāwā, heoi ko te urupounamu, ka haere te paki ki hea i tēnei rā
He whakataetae te Māwhai Tuhituhi. Kua oti kē ngā whiti e whā, kei a koe te ariā o te whiti tuarima. Āpiti atu tō tuhituhi ki te pakiwaitara ia rā, mō ngā rā 21-25 o Hūrae.
Mēnā ka hiahia koe ki te uru ki te whakataetae haere ki te whārangi o te māwhai tuhituhi, pāngia te pikitia “māwhai tuhi” ki runga rā , āpiti tō tuhi ki te wahanga tuhi ki raro nei rānei.
Ka whiriwhirihia kotahi te whiti ia rā hei wini i te taonga o te rā, ki te wikitoria i te taonga nunui pea, ā, ki te hono ki te pakiwaitara mo te whiti o te rā.
Karawhiua!!! Tuku mai tāu tuhituhi, māu te whiti tuarima pea?
Ānei te pakiwaitara ……
Kua horoia ngā rīhi, ka paoho mai te pouaka whakaata, “I tēnei wā ka huri ki ngā matapae huarere mō āpōpō, tērā te whakatūpato a Te Ratonga Tirorangi, he āwhā, he hau āwhiwhio …” Kātahi ka weto te pouaka whakaata! Ka weto ngā raiti o te whare! Kua pō uriuri.
Ngaro hirea ana nga tangi o te ao. Matapiko ana te hau awhiowhio i waho, ka tau. PAKO! Keko ana te tiro a Pita i te aro pena o te hitawe. Ka taka te mahana o te whare, kui ana te hau o roto. Pakaru ana tana hamuti i te kitenga o te atarangi a tana Kuia.
E kui, kaua koe e whakapupuni atu i ngā kokonga o te whare, i whakaaro au ko koe tētahi tangata kōhuru, tata au ki te tioro. Ka kata pai te kuia, ānei te rama e Makere, tērā pea mēnā ka kite koe i tētahi tangata kōhuru, karanga mai, mā tāua ia e whakarau!
I roto i te matapihi i kitea i tetahi tangata kohuru pera ki nga korero ta kui, “E KUI, E KUI, HAERE MAI!!” I ohorere te tangata engari i haere tonu ki roto i te matapihi ki te tikina i ahau engari ara a kui e patua ana i te tane me tona peke, ka tangohia ia i tona huna kanohi a ka ki ia “Nau tenei whare?” ka whaka utu a kui “ae haere atu kaore koe ka noho ki konei inaeanei!!” ka tiro te tane ki ahau,a, ka patai ia ” He aha tou ingoa e tama?” Kaore ahau ka taea te whakautu, kaore toku waha ka whakae moku ki te whakaputa toku ingoa ki tenei tane.
…….ka aha ināianei?
T.J
E tino mataku tonu ana a Pita rāua ko Kui, nā te mea kei roto tonu te tāne i te whare,ā, ēngari e ūmere tonu a Kui ki te tāne “E PUTA!!” ,ēngari ka piki te tāne i ngā arapiki o te whare ki te kimi rawa ki te hari ki tōna taha, e ūmere tonu a Kui ,ā, ka rongo i te tangata e noho pātata ana ki a kui rāua ko Pita, ā, ka oma ia ki te whare o Kui ,ka pūtu ia i te kuaha ki raro, ka kite ia i a Kui rāua ko Pita e kimi taonga kia patua i te tangata. I te wā i uru te neipa i pātai ia “he aha te mate?” ka whakahoki a Kui “kei roto tētahi kaiwhānako i tōku whare”
Pihitahi
PAO! Katahi te meke kaha a kui, kua hemo te tane. Kakapa ana te manawa a Pita i tana mataku. Engari mo kui, kei te katakata ke ia! “Whuuui, katahi te whawhai maro ko tera! I mohio ranei koe, i nga ra o mua, ko au tetahi toa mekemeke wahine. I toa au kia waru nga tiamupiana” Manawareka a Pita ki nga korero o tana Kuia. Engari mo te tane, i tana ohonga ka rangona ia ki nga korero a kui, ka taka tana hamuti! Tere atu tana oma i te whare, rite tonu ki a Usain Bolt.
Thomas
I tōku tūnga ki mua i te kaikōhuru i mataku katoa au! Engari kei tōku taha a kui e tiaki ana i ahau. I tīmata au ki te kōrero “ Ko wai koe kia haere mai ki tōku whare me te whakamataku i au, aue! Tō whakahīhī hoki. He mokopuna ahau o te iwi Māori, kei konei ōku tipuna e tiaki ana i ahau, nā mātou tēnei whare! Nā mātou tēnei wāhi! Nā mātou tēnei rohe! Nā mātou tēnei whenua! Haere atu koe! “ Kei reira, kei tōku taha a kui e menemene ana me te kaha pupuri i tōku ringa. Kātahi ka oma atu te kaikōhuru.
Oceania
“Wehi nä, Wehi nä” te körero ä kui, i te tino mataku ia nä te mea he tangata köhuru tënei tangata. I tango te tangata köhuru i töna naihi me te pörukuruku i te kuia. Aue! Ahakoa tërä i te whai kaha tonu te kui ki te tü maia, tü pakari, me te tü rangatira ki mua i te tangata köhuru. I körero te kuia ki te tangata köhuru ”ki te kore koe e haere atu, me te waiho töku whänau, ka wäea atu ahau ki te Kaiparihimana. I te wä i rongo te tangata köhuru i tërä körero i timata ia ki te katakata, nä te mea he tino kuia ia. Whai muri i tërä i hïkoi atu te tangata köhuru me te kaha katakata ki ai a anö. I te rangi tuarua i whakaaro te kuia kua haere atu te tangata köhuru, engari i te wä i tiro ia ki waho atu i te matapihi i reira kë te tangata köhuru me te titiro mäkutu ki tonä whänau. I puta te tama i te whare me töna harikoa katoa. I haere ia mö tëtahi hïkoi, engari koinä te wä i timata te raru nui. Aue! I kite te kuia i tönä mokopuna e hipa ana i te tangata köhuru, engari i ohorere ia te take i tere tango te tangata köhuru i te tama me te panaia ia ki roto i te motuka pango, me te taraiwa atu. Whatungarongaro te tangata, toitü te whenua!
Teremoana
Ᾱmuri ake i kῑ te kuia me hὀmai tὀ ingoa e tὰne,ὰ I kata te tὰne ki aia, I pὰtai e te kuia”kei te kata koe mὀ te aha”ka ki te tama nὰ te mea kua taka koe mὀ tὰ mὰtou kaupare ka ki te kuia”e tama ko koe anake kei kὀnei’’kὰtahi I rongo te kuia I te kuaha e huaki ana me tetahi tangata e kata ana,a I titiro te kuia ki te kuaha ,a I paoho te kuia ki tera oro ko wai tera?a ka titiro te kuia ki te tane engari kua ngaro.
Lizzie
Nā tēnā, i kōkiri te tāne kōhuru rā tōtika kia Makere. I āta mātaki a Pita i te tāne rā me ōna mahi. I whiu, i pei te tāne i a Makere ki te pakitara, i patua tōnā māhunga ki te pakitara nā te kaha o te korowhiu ō te tāne. Whai muri i tērā, i te āhua huri te rūma, ki ngā tirohanga o Makere. I kite ia i te wāea, i oma atu ia ki te wāea. I haere te tāne ki a Makere, i mau i a ia ki te pakitara, ā, i whai kaha ia ki te whawhai atu i te tāne tino nui atu i a ia, engari i te kaha raraku te tāne i ngā pāpāringa o Makere, ā, i te kaha mekemeke i ōna pāpāringa hoki. I heke iho ia ki te poho o Makere, i kaha raraku i ngā raraku tino roa. I tīmata a Pita ki te hāparangi nā tōna mataku “Awhina mai!! Awhina mai, tētahi!!” Ã, i oma atu tērā tāne kōhuru.
Rongomai
“Makere, tiki i taku waea pukoro, waea atu ki te pirihimana. Māku teēnei tangata e wepua… INAIANEI HAERE!”
Ka oma atu a Makere. Ka hikoi taumaha mai tēnei tangata nui, weriweri ki ahau….”Auē e tama, me pēhea koe e taieritanga i ahau”
Ka hikina ia i ahau ma taku korokoro…”HA HA HAAAAA, KUA ROA TE WA I TATARI AHAU MO TENEI WA TONU. KUA MATE KATOA TOKU WHANAU, ATU I A KOE….PITA!
“K – Ko wai koe, p-pehea koe mohio a-ai I ahau?’’ te pakaru haere o toku reo
“E Pita, ko koe taku tama, ko au….to Papa!”
“PITA PITA, KARE TE WAEA E KA ANA, KARE TONA HIKO….”
Pohutukawa
Ko tāna kōrero mai ki ahau nōnā te whare nei, kātahi anō ia i puta mai i te whare herehere. Kātahi au ka tino mataku, ka oma atu au ki te tiki i tōku taiaha me te kī atu ki i a ia “Hoake ki wāhi kē! Na māua ko tōku Kuia tēnei whare, haere!!” Kō tāna he whakahihi hoki mai ki ahau, me tōna tirohanga weriweri.”Ehara ahau i te tangata kino” te kī ā te tangata kōhuru, “Inā tē haere koe ka patu au i a koe, me te waea atu ki te pirihimana.”Tērā ahau e tū tāne roa me tōku taiaha, kua reri ki te patu i te tangata rā. I te wā i uru mai ia ki te whare i tino mataku māua ko Kui, ēngari waimarie ahau i whakaako tōku koroua i ngā mahi o te mau rākau ki ahau kia manaaki i tōku kuia, ā, inaianei kua haere te tangata rā ki tā wāhi, kaore anō ia kia hoki mai.
Wayne
Mawhaituhinga Rāpare:Wayne Nuku
Ka tae mai te tuakana o Makere ko Pita tēnei tāne tino pūrotu, I reira hoki te ataarangi o Kui e whakamārama ana a Makere ngā mahi ki tōna tuakana e pā ana ki te tangata kōhuru e mātakitaki ia rātou i tua atu i te matapihi kia kōhurutia e rātou. E wananga ana rātou ngā mahi engari mo tēnā i reira a Pita ki te whakatika i o rātou hara ko tā Pita he puta i te whare kia kōrero ki tēnei tangata he aha te take e hiahia ana ia ki te kōhuru i tōna whānau?.
Stacey
Māwhaituhinga-Rāpare
I te whakaaro te kui ko wai tērā kei tōku matapihi ehara ērā i ōku mokopuna kei roto rāua i te whare. I haere a kui ki te titiro, i tata rawa a kui ki te matapihi ,ara,I hoki wawe mai tērā tangata ki te matapihi. I tata hinga te kui ki raro i te tere haere mai ngā mokopuna ki te awhina.
Hapina
Me te pukuriri haere a te tāne rā. Ka pātai anō me tōna reo ngunguru “KO WAI TŌU INGOA?” Ka whakautu a Pita ki roto i te reo hamumu nā tōna mataku. Ko Pita tōku ingoa. Ko wai koe? Kei te aha koe ki roto nei? Me puta koe! Me te tiro makutu ana te tangata ki a Pita. Me tōna katakata. He nui ahau he iti koe, he kaha ake au ia koe, ka aha koe ki ahau? Me pēhea koe e whakamutu i au? Kei whea ō taonga? Kāore au mo te whāki te kī a Pita. Ka pukuriri haere te tangata kōhuru. Ka mamau te tangata rā ia Pita. Ka whiu te tangata kōhuru ia Pita ki te papa me te kī “Inā ka whāki mai koe kei hea ngā taonga, ka haere au ka kore hoki mai, engari inā ka whāki koe ki te pirihimana ka hoki mai au ki te TUKU UTU!”