I mōhio rānei koe ko te tau 2021 e tohu ana i te 50 tau mai i te taunga o Apollo 14 ki te Marama? Ko Apollo 14 te haerenga angitu tuatoru ki te marama, ā, i rongo hoki i te taumaha o te noho hei haerenga tuatahi i muri mai o te haerenga wairuatoa a Apollo 13 (tā Tom Hanks). Ahakoa i poua tēnei haerenga i runga i tētahi raupapatanga whakamātautau, i mōhiotia kētia mō te haerenga i tākaro hahau pōro ā-marama ngā kaipōkai tuarangi!
Rima tekau tau i muri mai i a Apollo 14, kua tata anō te tangata ki te hoki anō ki te Marama, inārā e takatū ana a NASA ki te haere ā te 2024 hei wāhanga o ngā whakaritenga o te haere ki Mars. Ā, ahakoa kua tōmuri rawa pea ki te whakarite tūranga mōu i runga i te rerenga 2024, ehara i te mea e kore e piki te hiahia mō ngā kaipōkai tuarangi i muri nei! Engari ehara i te mahi ngāwari te whakangungu kaipōkai tuarangi: ko te nuinga o ngā kaitono angitu e whiwhi ana i te tohu Paerua i tētahi kaupapa STEM, ā, kua tautōhito mō te whakatere torohaki. Me tutuki hoki i a koe te whakamātautau ā-tinana.
E hiahia tonu ana koe ki te tū hei kaipōkai tuarangi? Mēnā ae, kua tae mai koe ki te wāhi tōtika! Mā tēnei rangitaki koe e ārahi ki ngā mea e hiahia ana kia tīmata i a koe tō mahi tuarangi–mā ngā rauemi e wātea ana mā tō mematanga ki ngā Whare Pukapuka o Te Whanganui-a-Tara! PŪHANGA: Karetao Hiko me te Pūmanawa UiPath PŪTAIAO ROROHIKO: Hanga Papatono me te JavaScript PĀNGARAU: Ariā whakauho me te Mathematica 11 URUNGI RAUMAMAO: Takatū mō te tiwhikete RONGOĀ TUARANGI: Whakataki Whānui me te Hāereere me te Kai Tōtika PŪTAIAO AROTINI: “Ngā Whakamātautau me ngā Whakatīwheta o te Kura Tuarangi” WHAKANGUNGU: Whakapapakaritanga kaipōkai e 20 mineti NGĀ REO O MANGO : Te Ako Rūhia KAUHAU TŪMATAWHĀNUI: Aratohu ataata
Read this post in English
AKORANGA
Ko te huarahi tuatahi hei whai pea māhau hei kaipōkai tuarangi ko te whiwhi tohu Paerua i tētahi o ngā kaupapa STEM: pūhanga, pūtaiao koiora, pūtaiao ōkiko, pūtaiao rorohiko, te pāngarau rānei. Engari ko tēhea hei whiringa? Kei raro nei ētahi akoranga whakatakinga ki ngā take e kitea whānuitia ana i ēnei kaupapa–i ahu katoa mai i te LinkedIn Learning a ngā Whare Pukapuka o Te Whanganui-a-Tara.Engineering fundamentals : an introduction to engineering / Moaveni, Saeed
“Mā Engineering fundamentals e āwhina i ngā kaipānui ki te whakapakari i ngā pūkenga whakaoti rapanga me tētahi tūāpapa totoka o ngā mātāpono whakapū e hiahiatia ana kia tū hei kaipūhanga tātari, aro ki ngā taipitopito, ā, hei kaipūhanga auaha hoki. E whakaohooho ana i ngā ākonga mai i ngā kaupapa pūhanga maha, mā tēnei tuhinga e akiaki i ngā ākonga ki te tū hei kaipūhanga me te whakarite i tētahi tūāpapa totoka o ngā mātāpono whakapū me ngā ture ōkiko.” (Urutautia mai i te Rārangi)
WHEAKO RERE RANGI
Kua tau tō mahi STEM? Koia koia! Ko te huarahi ināianei kia whiria hei kaipōkai tuarangi ko te rapu wheakotanga whakatere torohaki! E tautuhi ana a NASA kia nui atu i te 1000 hāora tō wā rererangi, nō reira kia wawe tonu te tīmata.
Ahakoa e kore e taea tētahi raihanga urungi rererangi mā ngā Whare Pukapuka o Te Whanganui-a-Tara (ā, taihoa ake nei!), he akoranga whakangungu mō te whakatere i ngā waka raumamao e wātea ana mā te LinkedIn Learning. Kei roto i tēnei ngā take pēnei i te mātauranga o te rere, tae noa ki te mātai i ngā tohu huarere!No man’s land / Sullivan, Kevin
“I runga i te rerenga ririte o QF72 mai i Singapore ki Perth i te 7 o Whiringa-ā-nuku 2008, i korapa ngā rorohiko rere matua, ko te otinga ka tūpou whakararo te rerengai, te ihu i te tuatahi, ki te Moana o Īnia – e rua ngā wā. E rere manakore ana te Airbus A330 e waha ana i te 315 pāhihi me te tiramahi, me ngā tōpana tōrara e tōkiri ana i ngā tāngata e ngā mea katoa kīhai i herea ki roto i te tuanui o te rererangi. Nā ngā pūkenga me te mauritau o tautōhito US Navy Top Gun Kevin Sullivan, kāpene o te rerenga kōtua, i taea e ia te whakahaere anō i te rererangi.” (Urutautia mai i te Rārangi)
HAUORA
Ana mā tō tohu Paeroa me tō wā rerenga i raro i tō tātua, e pai ana tō tirohanga mō tētahi tūranga i te puni kaipōkai! Engari kotahi anō te mea hei whakaarotanga: te whakapakari tinana! Tuia ki te tirohanga kounga, pēhanga toto horopū me te tāroaroa i waenga i te 157cm me te 190cm, me whakahaeretia ētahi raupapa whakamātautautanga. Kua eke ki te wā ki te whakatikatika mā ēnei aratohu mai i a Gale Health and Wellness.MatchFit : the complete manual to get your body and brain fit for work and fit for life / May, Andrew
“Ko tēnei pukapuka whakaohooho te tōpūtanga o ngā wheako rua tekau tau a Andrew May hei kaiaka toa, hei kaiwhakapakari hoki mō ētahi o ngā kaiaka toa o te ao; te mātai i te tinana me te roro; e mahi ana i te taha o ngā tūmomo apataki maha pēnei i ngā kaiaka toa; me te wheako mataora.” (Urutautia mai i te Rārangi)
ĒTAHI ATU
Kua tata rā koe ki te eke hei kaipōkai tuarangi: he āhuatanga iti noa hei whai. He nui ngā wā e kauhau ana ngā kaipōkai ki ngā marae, nō reira me whai pūkenga anō mō te kauhau tūmatawhānui. Tae atu ki te reo Rūhia? Me ako hoki koe i tērā (māna kua tū kē koe hei kaipōkai Rūhia). Kaua e māharahara: Kei ngā Whare Pukapuka o Te Whanganui-a-Tara te whakautu, e taea ai e koe te oranga pai o te oranga kaipōkai–haere rā!Speak easy : the essential guide to speaking in public / Eyre, Maggie
“Neke atu i te 30 tau te tautōhito o Maggie Eyre hei kaiwhakangungu pāpaoho, mātanga whakawhiti kōrero, kaiwhakaata hoki. I roto i a Speak Easy, ka kawea e ia te kaipānui i runga i te tukanga katoa o te kauhau tūmatawhānui, me ngā ūpoko e kapi ai ngā mea katoa mai i te reo o te tinana, te mana o te reo tae rā anō ki te whakahaere i te hunga whakarongo me te whakahaere hoki i te hunga pāpaoho. He pukapuka whaitake, whaimana hoki, e hāngai ana mō ngā tāngata e whakarite ana mō tētahi whakaaturanga pakihi, tētahi kauhau rānei i muri o te hākari.” (Urutautia mai i te Rārangi)
