Wellington City Libraries

Te Matapihi Ki Te Ao Nui

whanganui-a-tara icon

Te Wheke a Muturangi

whanganui-a-tara icon

He aha a "Whekenui"?

I nga ra o nehe, i noho a Kupe i Hawaiki. Ia ra ka haere nga tangata a Kupe ki te hi ika, engari ka kainga a ratou maunu e nga ika paku, e kiia ana he wheke. Ko te nanakia nui o nga ika nei ko tetahi wheke tino nui rawa atu - ko ia te mokai a Muturangi.

Kaore a Muturangi i whakarongo ki a Kupe, e ki ana ki a ia kia whakatikahia te mahi a tana wheke, ara, e poapoa ana i nga wheke pakupaku ki nga tauranga ika.

Ka korero atu te tohunga ra ki a Kupe kia whakamatea a Te Wheke, ki te kore, e kore e mau i nga tangata a Kupe he ika.

Na, ka whakarite a Kupe me Ngake (te taokete a Kupe) ki te aru i a Te Wheke. Ko Kupe me tona whanau i runga i te waka Matahorua, ko Ngake me etahi atu irunga i a Tawhirikura. Kaore ke he painga o Te Wheke ra ki te kawe kotiti mai ia a ratou ma ki tetahi whenua houe, rereke - ara ki Aotearoa.

Kathai ratou ka tutaki i a Te Wheke i te Moana o Raukawa. Ka kauhoe atu a Te Wheke ki waenganui i nga waka, a ka paoa atu e Kupe ana kawekawe ma tana toki, a Rakatuwhenua. Katahi ka whiua atu he taha e ia me ana tangata, ki a Te Wheke. Ka huirapatia e Te Wheke aua taha ma ana kawekawe. Ka paoa atu ano e Kupe te upoko me nga whatu a, katahi ano a Te Wheke ka hemo. Ka tangia he karakia hei huna i a Te Wheke mai i a Muturangi. A ka, noho tapu ia hei toka, ko Nga Whatu tana ingoa.

Mai i taua wa, ko te akiaki ka puta ki nga kaumoana, kia huri nga whatu, kaua e titiro ki a Nga Whatu, kei piki te hau, ka huripoka to ratou waka.

Korero o te Wa I Raraunga I Rauemi I Te Whanganui a Tara I Whakapapa