Wellington City Libraries

Te Matapihi Ki Te Ao Nui

Kaiārahi Kohikohinga Māori

Kei te kimi kōrero Whakapapa koe? Mā Te Whare Pukapuka Matua o Pōneke koe e āwhina. Kei te Kohikohinga Māori i te papa tuarua, te mutunga mai o te kohikohinga Māori puta noa i ngā whare pukapuka o te motu.

Hei pūranga kōrero anake Te Kohikohinga Māori, mō ngā pukapuka, ngā kiriata, me ngā kiriata mōkito hoki. Arā, me pānui ēnei rauemi i roto anake i te Whare Pukapuka. Koia te wāhi e āwhinatia ai koe e ngā kaimahi pai nei ki te rapu kōrero.

He tohu hoki kei ngā tuarā pukapuka - he haki whero, he mā, he pango rānei.

Ngā pukapuka me ngā rīpene whakaata hei tuku atu:
Papa Tūānuku: Tamariki, & Pakiwaitara
Papa Tuatahi: Pūrākau 000-899
Papa Tuarua: Pūrākau - ngā 900

Rapua mai ngā kaupapa katoa ki te whakarārangitanga, inā kore hoki e kitea, mā ngā kaimahi anō koe e āwhina.

Inā rapu kē mai ana koe i te kāinga, kei tō mātou ipurangi nei pea kei: www.wcl.govt.nz - kei tēnei ipurangi he wāhanga MyLibrary, ā, me ētahi whārangi Māori whakamārama i ngā kaupapa o te wā.

Kia mahara: E rua anō ngā putunga hitōria ā-Iwi – tētahi kei 993.101, ko tētahi atu kei ngā hitōria ā-rohe kē o Aotearoa:
hei tauira: 993.12 Tuhoe / Elsdon Best.

Ngā kōrero Kāwanatanga me ngā whakarārangitanga whānui

Tērā pea ka tūmeke koe i te huhua o ngā kōrero kāwanatanga me ngā whakarārangitanga whānui, inā kē hoki ngā āpitihanga Hōtaka.

āpitihanga ki ngā Hōtaka a te Kaunihera Ture me te Whare Māngai
(kia mahara - ko ngā take Māori mai i te tau 1863 ki te 1928 kei ngā kāhuinga pepa G me te E o ngā āpitihanga)
Hei tauira
- 1928 - Te Komihana Karauna hei whakaputa kōrero mō te muru raupatu whenua Māori (kei te kāhuinga pepa o G)
- 1865 - Ngā whakahokinga a te Karauna ki ngā iwi (kāhuinga pepa o E)
- 1863 - Whakahokitanga o Ngati Awa iwi ki Taranaki (kāhuinga pepa o E)

Putunga Tuhinga Raupatu
139 ngā pukapuka kōrero e pā ana ki ngā kerēme whenua mai i te tau 1870 ki te 1960, ā, me ngā ture hoki e pā ana ki ngā whenua raupatu.

Te Whakarārangitanga Ingoa Māori a Fletcher
E whā ngā pukapuka, e rua rānei ngā kiriata mōkito. Kei te whakarārangitanga nei hoki ētahi ingoa tāngata, ingoa takiwā hoki i tāia ki roto pukapuka i mua atu i te tau 1926

ētahi atu tānga

Ngā Hōtaka


Anei ētahi tino hōtaka hei tauira atu:

Transactions and proceedings of the New Zealand Institute : whaihua anō ngā tuhituhinga tawhito nei mō te noho ā-iwi, te aro tuputupu, te hitōria, te mea, te mea.

Journal of the Polynesian Society (Kei te kāuta i te Papa Tuarua)

Kei konei hoki Te Ao Hou (1952-1975), Tū Tangata, Tū Mai, Mana Magazine (me ētahi atu mōheni hoki)

Niupepa


Arā hoki ngā niupepa ā-iwi a te whare pukapuka.

Kiriata


Uia atu te kāuta i te papa tuarua hei pānui i ēnei:

Turton's Epitome of official documents
Māori land claims in the AJHR & LC 1855-1985.
Taranaki Crown grants
Mackay's Compendium of official documents
Niupepa 1842-1933
Waitangi Tribunal research documents and submissions ( claims 4, 8, 9, 10, 11, 17, 22, 26 & 150, 32, 33)
NZ Māori voters' roll 1908
Māori births, deaths (1913-61) & marriages (1913-54)

Kiriata Mōkito


Uia atu te kāuta i te papa tuarua hei pānui i ēnei:

Ngā pukapuka miniti a Te Kōti Whenua Māori:
1865-1974
Wellington, Wairarapa, Otaki, Taranaki, Wanganui
1865-1910
Takitimu, Tairawhiti, Waiariki, Taitokerau, Waikato-Maniapoto,Te Waipounamu

(Tērā te CD-ROM e whakarārangi ana i ngā pukapuka miniti katoa mai i te tau 1865 ki te 1910)

Tērā pea ka tāia hoki ngā kōrero hei whakahoki atu māu.

Mō ngā kōrero waea mai ki 8014112 ka peka mai rānei ki te kāuta i te Papa 2 o te Whare Pukapuka Matua.

Korero o te Wa I Raraunga I Rauemi I Te Whanganui a Tara I Whakapapa