Ngaahi Sēvesi 'a e Laipeli
Ke 'ave tohi mei he laipeli | Ko e fekumi ki ha fakamatala | Ta'ofi | Tu'asila 'o e Laipeli 'i he 'Initaneti | ‘Oku ‘atā he taimi΄ ni ke toe fakalōloa atu ‘a e taimi ki ho‘o ‘ave naunau mei΄ he laipeli΄ ‘i ha vaha‘a taimi lōlōa ange | Fanongonongo ‘i he ‘īmeili΄
'Oku ma'u 'e he ngaahi laipeli o Uelingatoni ha 'ū tohi, makasini, CD mo e DVD, pea 'oku 'i ai 'a e tepile ako mo e ngaahi sea ke faka'aonga'i 'e kinautolu 'oku ha'u ki he laipeli.
Ko e lahi taha 'o e ngaahi tohi 'oku lava ke 'ave fakataimi mei he laipeli 'o fe'unga mo e uike 'e fā, ka ko e ngaahi CD, makasini mo e DVD, ko e uike pe 'e taha 'e lava ke 'ave ai mei he laipeli.
Ke 'ave tohi mei he laipeli
'Oku fiema'u ke ke memipa he laipeli ('e toe ma'u atu mo ha ngaahi fakamatala 'i ho'o kau mai) pea ma'u atu mo ha'o kaati laipeli. 'Oku 'ikai totongi kiate kinautolu 'oku nofo 'i Uelingatoni, ke memipa 'i he laipeli, pea kau ai mo e fanau.'Oku lava ke ke faka'aonga'i 'a ho'o kaati laipeli ke 'ave 'aki ha'o ngaahi tohi mei ha taha pe 'o e ngaahi va'a 'o e laipeli.
Ka 'oku ke nofo mama'o mei loto Uelingatoni (hangē ko Hutt City, Porirua, Paraparaumu) 'e lava ke ke mēmipa 'i ha taha 'o e ngaahi va'a 'o e laipeli', pe ko ha'o mēmipa 'i he laipeli 'i loto kolo Uelingatoni. ('e toe ma'u atu mo ha ngaahi fakamatala 'i ho'o kau mai 'okapau 'oku ke nofo mama'o mei he loto kolo Uelingatoni).
| 'I ho'o 'ave ha tohi mei he laipeli, 'e 'oatu 'e he tokotaha ngaue 'i he laipeli ha ki'i la'i pepa. 'Oku tohi heni 'a e ngaahi tohi na'a ke 'ave', pea mo e taimi 'oku tonu ke fakafoki mai ai'. Fakafoki kotoa mai 'a e ngaahi tohi na'a ke 'ave kimu'a 'i he taimi tāpuni 'o e laipeli 'i he 'aho na'e tukupā ke fakafoki mai ai'. He ka 'ikai 'e 'i ai 'a e mo'ua ke totongi (e toe ma'u atu mo ha ngaahi fakamatala fekau'aki mo e ngaahi totongi') |
Ka mole pe maumau ha tohi, 'oku mahu'inga ke ke fakafetu'utaki ki he lipeli. 'E 'i ai 'a e mo'ua ke totongi, pea ka 'ikai totongi, 'e 'ave 'a e mo'ua ki he ngaahi kautaha 'oku nau tānaki 'a e ngaahi mo'ua ta'e totongi.
Ko e fekumi ki ha fakamatala'Oku 'atā atu 'a e kau ngaue 'i he laipeli ke tokoni. 'Eke kiate kinautolu ke nau tokoni atu ki hano kumi ha tohi, makasini, CD mo e DVD ke 'ave mei he laipeli, pe ko ha'o 'eke ha fa'ahinga fakamatala. Ko e tokoni ko 'eni 'oku ta'e totongi.Ko e katiloka 'a e laipeli 'oku hiki ai 'a e kotoa 'o e ngaahi naunau 'oku lava 'o 'ave mei he laipeli. Kumi 'i he katiloka heni. 'Eke ki ha taha 'o e kau ngāue ke tokoni atu ki hono ngāue'aki 'o e katiloka. Ta'ofiKa 'oku 'ave 'e ha taha ha tohi pe naunau 'oku ke fiema'u, 'e lava pe ke ta'ofi 'a e tohi ni 'aki 'a ho'o tohi ho hingoa 'i he lisi talitali 'a e laipeli. 'I he foki mai 'a e tohi, 'e fakafetu'utaki atu leva 'a e laipeli. 'Oku 'i ai 'a e totongi $2 ki he kakai lalahi. Fehu'i ki ha taha 'o e kau ngaue ki he founga ta'ofi 'o e tohi'. |
 |
| 'I he taimi 'e ni'ihi 'e fie fakafetu'utaki atu 'a e laipeli kiate koe - hangē ko eni', ke fakahā atu ko e tohi na'a ke ta'ofi' kuo 'i heni. 'E lava pē ke telefoni atu 'a e laipeli. Kapau 'oku ke pehe 'oku hala 'a ho fika' pea ke fakafetu'utaki mai ki he laipeli' (801 4040). |
‘Oku ‘atā he taimi΄ ni ke toe fakalōloa atu ‘a e taimi ki ho‘o ‘ave naunau mei΄ he laipeli΄ ‘i ha vaha‘a taimi lōlōa ange
‘E lava ‘i he taimi΄ ni ke ke toe fakalōloa atu ‘a e taimi ‘oku totonu ke fakafoki mai ai ‘a e ngaahi naunau laipeli ‘oku΄ ke lolotonga faka‘aonga‘i΄ ‘aki ha uike ‘e taha mei΄ he ‘aho na‘e totonu ke fakafoki mai ai΄. ‘E totongi $1 ‘eni ki he naunau ‘e taha, pea toe tānaki atu ki ai mo e totongi tu‘upau ‘o hono ‘ave ki tu‘a ‘o e naunau ko ia΄ kapau ‘oku fiema‘u ‘eni (‘o hangē nai ko e ngaahi DVD ma‘a΄ e kakai lalahi΄). ‘E ‘ikai lava hano toe fakalōloa atu ‘o e ngaahi naunau ‘oku΄ ke lolotonga faka‘aonga‘i΄ kapau kuo ‘osi ‘ova atu ‘eni ia ‘i hono taimi fakafoki΄, pe kuo puka mai ‘eni ia ‘e ha tokotaha kehe. Faka‘eke‘eke atu ki ha taha ‘o e kau ngāue΄ felāve‘i mo ‘eni, ‘i he taimi ‘oku΄ ke ‘i he laipeli΄ ai΄, pe ko ho‘o vakai‘i pē eni ia ‘e koe ‘aki ‘a ho‘o kaati laipeli΄ ‘i he www.wcl.govt.nz/card. ‘I he taimi ‘e ‘asi hake ai ‘a e lisi ‘o e ngaahi naunau ‘oku΄ ke lolotonga faka‘aonga‘i΄, tiki‘i ‘a e ki‘i puha ko ia ‘i he tafa‘aki ‘o e naunau takitaha ‘a ia ‘oku΄ ke fiema‘u ke toe fakalōloa΄ pea΄ ke lomi‘i ‘a e ki‘i faka‘ilonga ko ia ko e ‘renew selected items‘ (kapau ‘oku΄ ke fiema‘u ‘e koe ke toe fakalōloa atu ‘a e taimi ke ke kei faka‘aonga‘i ai ‘a e naunau laipeli kotoa pē ‘oku kei ‘iate koe΄, pea΄ ke tiki‘i pē ‘a e ‘renew all items‘). ‘E ‘asi atu leva ‘a e ‘aho fo‘ou ko ia ‘oku totonu ke fakafoki ai ‘a e ngaahi naunau ko ia΄. Ki ha toe fakamatala lahi ange felāve‘i mo e sēvesi΄ ni, faka‘eke‘eke atu ki he laipeli ‘i ho feitu‘u΄.
Fanongonongo ‘i he ‘īmeili΄
‘E lava ke ke kole ke ‘oatu ‘i he founga ‘īmeili΄ ‘a e ngaahi fanongonongo felāve‘i mo ha ngaahi naunau kuo΄ ke puka mai, mo ha ngaahi naunau kuo tōmui ho‘o fakafoki΄. Ko e me‘a pē ke ke fai΄ ko ha‘o fakafonu ‘a e online form pe ko ho‘o faka‘eke‘eke atu ‘eni ki he laipeli ‘i ho feitu‘u΄.
Tu'asila 'o e Laipeli 'i he 'Initaneti
Ko e tu'asila 'o e laipeli 'i he 'initaneti ko e www.wcl.govt.nz pea 'oku lahi a e ngaahi naunau 'oku hā atu ai.
| 'Oku 'i ai 'a e ngaahi misini initaneti ta'e totongi 'i he kotoa 'o e ngaahi laipeli 'o Uelingatoni pea 'e lava ke a'u ki he ngaahi tu'asila 'initaneti 'a e Pule'anga (kau ai mo e potungāue Fefolau'aki). |
Ko e uepisaiti 'a e laipeli 'oku ma'u ai 'a e ngaahi fakamatala felāve'i mo e ngaahi tōpiki kehekehe. Hange ko e tauhi fānau, pisinisi. Ki he ngaahi tafa'aki 'e ni'ihi 'e fiema'u ia ke ke taipe'i ha'o lea hu'anga (password) pea mo e fika ho'o kaati laipeli ka ke toki lava 'o ma'u e ngaahi fakamatala 'oku ke fiema'u' hangē ko e Nusipepa South China Morning Post.
