Fakamatalaga ki na Galuega ma na Galuega mo te Olaga Katoa (Careers)
Faletuhi Tuloto (Central Library)
(Victoria St, City)I te Faletuhi Tuloto, ko na tuhi e uiga ki na galuega ma na galuega mo te olaga katoa, e maua i te fogāfale muamua. Ko te numela o te fata e maua ai ko te 650.1 - 650.14. Ko na matakupu e aofia ai na resumes pe ko na CV, na tuhi talohaga, te faiga o na fakatalanoaga, ma te hakilikili galuega.
Mo na tino talavou, e i ei te vaega mo te kau talavou (Young Adult section) i te fogāfale pito ki lalo (ground floor) e maua ai foki ietahi fakamatalaga.
Fakamolemole fehili ki he tino faigaluega o te faletuhi (librarian), kafai koe e fofou ki he fehoahoani, ona ko ietahi matakupu e tai tutuha e maua i ietahi vāega kehekehe o te faletuhi.
Na Lālā o te Faletuhi (Branch Libraries)
Ko na tuhi e uiga ki na galuega mautū mo te olaga katoa ma ietahi galuega e maua kafai e fakaaogā na numela lava e tahi o te fata. E tutuha foki lava na tuhi e maua ai, kae e tamā taigole mālie te aofaki o na tuhi i kinei.
Kafai te tuhi e fofou koe ki ei kua louni e he tino, pe ei hetahi faletuhi, e tatau ke hakili e koe ki te lihi ona tuhi (catalogue). E mafai ke taofi e koe he tuhi mo he $2, ma ka kavatu ki te faletuhi i te mea e nofo ai koe ma mafai ai ke kave e koe mai kinā.
E lahi foki ietahi fehoahoaniga e maua i te initeneti (internet), e mafai ke maua ai ietahi fakamatalaga e talafeagai. Fakamolemole fehili ki he tino faigaluega o te faletuhi, kafai e manakomia e koe he fehoahoani.
Hakilikiliga ki loto o te Lihi o na Tuhi (Searching the Catalogue)
E lelei te kamata muamua o tau hakiliga i te BASIC SEARCH screen. E hili atu te fakaaogā o he SUBJECT BROWSE pe ko te KEYWORD search. Ko na hakiliga i lalo e kave hako ai koe ki te lihi ona tuhi.
- FAKAMATALAGA PUKUPUKU (RESUMES) ka maua ai e koe na tuhi e fakatatau ki te tuhiga o he CV (curriculum vitae).
- TUHI TALOHAGA MO NI GALUEGA (APPLICATIONS FOR POSITIONS) ka maua ai e koe na tuhi e i ei na fautuaga ma ni fakatakitakiga o te tuhiga o he tuhi e kave ai he tuhi talohaga, vena ma he tuhi talohaga galuega.
- FAKATALATALANOAGA MO HE GALUEGA (EMPLOYMENT INTERVIEWING) ka maua ai e koe na tuhi e fehoahoani atu kia te koe i te taimi o he fakatalanoaga (interview).
- HAKILI GALUEGA (JOB HUNTING) ka maua ai e koe na tuhi ma na fautuaga ki na auala e mafai ai ke hakili he galuega, e aofia ai te hakiliga o ni galuega i te initeneti.
- GALUEGA (OCCUPATIONS) (professions) ka maua ai na tuhi e uiga ki na galuega mautǖ mo te olaga katoa e ono avanoa, ma na itukaiga iloa mahani (skills) pe ko na tuhi paahi
- HUIGA KI TE GALUEGA TUMAU (CAREER CHANGES) ka fehoahoani atu kafai koe kua manatu ke hui tau galuega e i ei ai nei koe, ma kē fia iloagia pe vehea ona fai he mea venei.
- ATIAKEGA O TE GALUEGA TUMAU (CAREER DEVELOPMENT) ka maua ai e koe na tuhi ke iloa ai pe mafai vehea ke tumau na iloa mahani (skills) o koe i he tulaga e talafeagai pea lava i taimi uma, ma pe vehea ona fakatāua pe fakailoa lelei (promote) koe.
Na Nuhipepa ma na Mekahini
Ko na faletuhi uma e maua ai na kopi o te Dominion Post. Ko te vāega lahi e uiga ki na avanoa mo na galuega e i te pepa o te Aho Lulu ma te Aho Tonai.
Ko te Faletuhi Tuloto e maua ai foki na nuhipepa mai ietahi koga o Niu Hila, e aofia ai te NZ Herald, te Press ma te Otago Daily Times.
E mafai foki ke fakaaogā e koe e heai he totogi, na computers mo te initeneti i na Faletuhi uma a te Wellington City, ma faitau ai ki na nuhipepa. E maua foki e kimatou na hokotaga kui i te initeneti, ma na nuhipepa i na atunuku i fafo. (Kiliki ki kinei kafai koe e i he PC e hohoko fua ki te initeneti, pe ei he komipiuta i fafo o te faletuhi).
Na Websites e Fehoahoani Lahi
Ko na komipiuta i na faletuhi takitahi e maua ai na hokotaga e heai he totogi ki te initeneti, e maua ai na hokotaga ma na websites a na ofiha o te mālō e aofia ai:
- Department of Immigration, mo na fakamatalaga e uiga ki te faigaluega i Niu Hila, ma te faiga o he tuhi talohaga mo he pemita galue etc.
- Career Services Rapuara, he Vāega e o te Mālō (Crown Entity) e maua ai na fakamatalaga ma faufautuaga e uiga ki na mea tau galuega.
- KiwiCareers, he website e totogi e te mālō e i loto ai na galuega i Niu Hila, na fakamatalaga e uiga ki na fale faigaluega ma na koleniga, ma na hokotaga ma ietahi websites e talafeagai.
- Seek, ko te website tenei e pito hili te fakaaogā ho e tagata i Niu Hila mo na mea tau galuega.
- Job Stuff, na galuega e fakahalalau i na nuhipepa i te initeneti.
- New Zealand Government Jobs Online, mo na fakamatalaga fakatatau ki te galue mo te Kaufaigaluega Fakamua (Public Service).
- National Library of New Zealand, hokotaga ki te website e uiga ki na mea tau galuega.
