Mga Serbisyo ng Aklatan
Bawa't aklatan ng Wellington ay nagmamay-ari ng mga libro, mga magasin, mga CD at DVD, at mayroong mga mesa at silyang maaaring gamitin ng kaniyang mga parokyano.
Karamihan sa mga libro ay maaaring hiramin nang apat ng Linggo, ngunit ang mga CD, mga magasin at DVD ay maaaring hiramin nang isang Linggo.
Upang Makahiram
Kailangan ninyong sumapi (karagdagang impormasyon sa pagsapi) at kumuha ng inyong sariling library kard. Walang bayad sa lahat ng naninirahan sa Lungsod ng Wellington ang pagsapi sa aklatan, kabilang na rito ang mga bata.
Maaari ninyong gamitin ang inyong library kard upang makahiram mula sa kahit anong mga sangay ng aklatan.
Kung kayo ay naninirahan sa labas ng Wellington (halimbawa, sa Lungsod ng Hutt, Porirua, Paraparaumu) maaari kayong sumapi at manghiram sa inyong mga lokal na aklatan, o sumapi sa Wellington. (Karagdagang impormasyon sa pagsapi kung kayo ay naninirahan sa labas ng Lungsod ng Wellington).
Kung kayo ay manghihiram ng isang bagay, bibigyan kayo ng isang pirasong papel ng katiwala ng aklatan o laybraryan. Nakalista dito ang mga bagay na inyong hiniram at kailan dapat ibalik ang mga ito sa aklatan. Ibalik ang lahat ng inyong hiniram sa aklatan bago magsara ang aklatang hiniraman ninyo ng mga ito sa petsa ng pagsasauli. Kung hindi ninyo ibinalik ang hiniram, mayroong mga multang dapat bayaran. (Karagdagang impormasyon tungkol sa multa ng aklatan).
Kung naiwala ninyo o nasira ang isang librong hiniram sa aklatan, mahalaga na tawagan ang aklatan. Mayroong multang dapat bayaran, at ang mga utang na hindi nabayaran ay ibibigay sa kompaniya ng koleksiyon ng mga utang.
Paghanap ng Impormasyon
Ang mga kawani ng aklatan ay maaaring tumulong. Maaaring kayong humingi ng tulong sa paghanap ng isang libro, magasin, CD o DVD na inyong hihiramin, o kaya ay humingi ng impormasyon sa mga kawani. Ang pantulong na serbisyong ito ay walang bayad.Ang katalogo ng Aklatan ay isang listahan ng lahat ng maaaring hiramin sa aklatan. Maghanap sa katalogo rito. Magtanong sa kawani kung papaano ito gamitin.
Pagrereserba
Kung nahiram na ng isang parokyano ang nais ninyong hiramin, maaari ninyong ilagay ang inyong pangalan sa listahan ng mga naghihintay. Kapag ibinalik nila ito, tatawagan kayo ng aklatan upang mahiram ninyo ito. Mayroong bayad na $2 para sa mga matatanda. Magtanong sa kawani kung papaano magreserba.Minsan ay nanaisin ng aklatan na kayo ay tawagan - halimbawa, para ipaalam sa inyo na ang librong inyong nireserba ay maaari nang kunin. Isang automatikong sistemang pangtelepono ang maaaring tumawag sa inyo. Kung sa inyong palagay ay mali ang mga detalye, mahalaga na tawagan ninyo ang aklatan sa telepono (801-4040).
Maaari Nang Palugitan ang mga Hiniram
Ang mga hiniram na bagay ay maari na ngayong palugitan ng isang linggo magmula sa petsa ng pagsasauli ng mga ito. Ito ay magkakahalaga ng $1 bawat bagay na hiniram at ano pa mang naarkila kung kinakailangan (gaya ng DVD para sa may sapat ng gulang). Ang hiniram ninyo ay hindi palulugitan kung lagpas na sa petsang dapat itong isauli, o kung may iba nang nagreserba nito. Magtanong sa isang kawani ng aklatan, o maaaring kayo na mismo ang gumawa nito kapag siniyasat ninyo ang inyong library card sa www.wcl.govt.nz/card. Kapag lumitaw ang kabuuang listahan ng mga hiniram ninyo, markahan ang mga gusto ninyong palugitan at i-klik ang "renew selected items" boton (o kung gusto ninyong hiramin uli ang lahat ng nasa listahan, piliin lamang ang "renew all items"). Makikita ninyo ang panibagong petsa para sa pagsasauli ng mga bagay na iyon. Para sa karagdagang impormasyon, magtanong sa inyong aklatang lokal.
Abiso sa Email
Maaari ninyo nang hilinging ang mga bagay na inyong inireserba at lumabis na mga pabatid na ipadali sa pamamagitan ng email . Kinakailangan lamang ninyong kumpletuhin ang online form o magtanong sa inyong aklatang lokal.
Web-site ng Aklatan at ang Internet
Ang website ng Aklatan ay www.wcl.govt.nz na mayroong maraming mapagkukunan ng impormasyon at tulong.Mayroong mga walang bayad na kompyuter na pang-internet sa lahat ng mga aklatan ng Wellington na maaaring gamitin upang makakonekta sa mga pahina ng pamahalaang NZ (kabilang ang Kagawaran ng Imigrasyon).
Ang website ng Aklatan ay may mga gabay na pang-impormasyon sa mga paksang tulad ng pagiging magulang o pagnenegosyo. Para sa ilang mga seksiyon, kailangan ninyong i-type ang isang password (at ang numero ng inyong library kard) upang makakuha ng pinakabagong impormasyon, tulad halimbawa ng pahayagan ng South China Morning Post.
