Serbisyo Para sa mga Bata at Kabataan
Walang bayad ang pagsapi sa aklatan. Ang mga bata at kabataan ay maaaring magkaroon ng sarili nilang kard. Kailangang pirmahan ng mga magulang ang pormularyo at sila ay may tungkulin na tiyakin na ang mga libro at iba pang bagay ay maisauli sa oras at walang sira.
Mga Gawaing Pangbata
May mga panahon para sa mga kuwento para sa mga batang hindi pa nag-aaral at mga gawain kung bakasyon sa iskuwela para sa mga batang nag-aaral. Storytimes
Mga Bisita Mula sa Iskuwela
Ang inyong anak ay maaaring pumunta sa aklatan na kasama ang kanilang guro sa oras ng iskuwela. Maaari silang humiram ng mga libro kung dala nila ay kanilang library kard.
Bookbusters 728
Mayroon kaming samahan para sa pagbasa para sa mga batang may edad na pito hanggang walong taong gulang (7-8) na tinatawag na Bookbusters.Ano ang maaari ninyong hiramin sa aklatan
Karamihan sa mga bagay pang-aklatan sa seksiyon ng mga bata at kabataan ay mahihiram nang walang bayad ng mga bata at kabataan sa pamamagitan ng kanilang card. Maaari kang manghiram kahit gaanong karami ayon sa gusto mo, ngunit maaaring may limitasyon sa bilang ng mga DVD.
Kung hindi mo ibinalik ang mga bagay sa mismong araw o bago sumapit ang araw na ang mga ito ay nakatakdang ibalik ikaw ay magbabayad ng pera. Kung ang mga bagay ay ibinalik nang may sira o nawala mo ang mga ito ikaw ay magbabayad ng pera.
Ibalik ang mga bagay sa aklatang pinagkunan mo ng mga ito o kung hindi ay magbabayad ka ng $1 sa bawat isang bagay na hiniram.
| Isang Linggong pahiram | Multa sa huling pagsauli |
|---|---|
| Mga DVD | 50c isang araw |
| Mga Video | 50c isang araw |
| Mga Magasin | 30c isang araw |
| Mga CD | 30c isang araw |
| Apat na Linggong pahiram | Multa sa huling pagsauli |
|---|---|
| Mga Libro | 30c isang araw |
| Mga Tape | 30c isang araw |
| Mga Kit (librong may kasamang tape o CD) | 30c isang araw |
Mga Libro
Mayroon kaming mga libro para sa mga sanggol, maliliit na mga bata, mga batang nasa edad ng pag-aaral, at mga tinedyer. Mayroon ding kaming mga librong pang-impormasyon para tulungan ang mga bata at mga tinedyer sa kanilang mga gawaing bahay at para mag-aral para sa kanilang mga pagsusulit.Mayroon kaming ilang mga librong isinulat para sa mga bata sa Tagalog at Ingles. Halimbawa: Ang kuwento ng kalendaryong tsina, isang bilinguwal ng librong may mga letrato na maaaring hiramin sa mga aklatan ng Central at Karori. Magtanong sa katiwala ng aklatan o laybraryan kung saan makikita ang mga ito o tingnan ang katalogo rito (here).
Mayroon din kaming ilang mga librong isinulat para sa bata tungkol sa Pilipinas. Halimbawa: Welcome to the Philippines, nakalagay sa istante ng libro bilang 959.9 WYN, at maaaring hiramin sa aklatan ng Central at Tawa, subali't maaaring ireserba sa pangalan ng bata sa kaniyang library kard kung kayo ay bumisita sa kahit anong sangay.
Katalogo sa Web para sa mga Bata
Ang katalogong ito ay ginawa para tulungan ang mga bata na madaling makita ang bagay sa aklatan. Maaari nilang gamitin ang mga kompyuter sa aklatan o sa pamamagitan ng internet. Ang Katalogo para sa mga Bata ay mayroong ding impormasyon tungkol sa mga gawain sa aklatan at mga ugnay sa mga website na angkop para sa mga bata Simulang maghanap.
Tungkulin ng mga Magulang
Tungkulin ng mga magulang at mga tagapag-alaga na malaman kung ano ang hinahanap ng mga bata sa aklatan at kanilang inuuwi sa paggamit ng kanilang kard.Ang aklatan ay hindi mananagot sa mga bata na pinabayaang walang kasama. Maaaring tawagan ang mga naangkop na awtoridad kung hindi makontak ang isang magulang o tagapag-alaga. Ang aming mga patakaran sa mga maaring gamitin ng mga bata (Children's access) ay makukuha rito.
Ang mga bata at mga kabataan ay maaaring tumingin at manghiram ng lahat ng mga bagay sa aklatan, kabilang ang mga bagay sa seksiyon para sa mga matatanda, maliban sa mga ilang video, mga DVD at CD na may klasipikasyong legal na pinagbabawal (e.g. R16).
Mga Kabataan
Ang mga kabataan ay may edad na labingtatlo hanggang labingwalong taong gulang (13-18). Kailangang pirmahan ng mga magulang ang pormularyo para sa mga batang wala pang labing-anim na taong gulang (16) at sila ay may tungkulin na tiyakin na ang mga libro at iba pang bagay ay maisauli sa oras.
Ang aming website ay may isang seksiyon para sa mga kabataan at ito ay tinatawag na Teens.
Mahihingan ng Tulong Para sa Pag-aaral
Maraming mga bagay sa aklatan ang makakatulong sa pag-aaral. Kabilang dito ang mga gabay sa pag-aaaral ng NCEA study guides, at mga mahahalagang website na S*Lab at Any Questions.Mangyari lamang na magtanong sa mga kawani ng aklatan kung kailangan ninyo ng tulong. Tungkulin namin na kayo ay tulungan.
