'Au'aunaga i Fale Faitautusi
O fale faitautusi ta'itasi o Ueligitone e i ai a latou lava tusi, o mekasini, o CDs ma DVD. E i ai laulau ma nofoa e fa'aaogā e su'esu'e ai tagata.
O le tele o tusi e mafai ona ave i tua e fa'aaogā mo vaiaso e fa, a o CDs, Mekasini ma DVDs, e mafai ona ave i tua mo le vaiaso e tasi.
Mo lou Nonōina o Aitema (to borrow)
E mana'omia le resitaraina o oe e fai ma sui auai (nisi fa'amatalaga mo le avea ma sui auai), ma ua i ai sau pepa o le fale faitautusi. E le totogia le resitara e auai mo tagata uma e alala i totonu o le A'ai o Ueligitone, e aofia ai ma tamaiti.E mafai ona fa'aaogā lau pepa o le fale faitautusi i so'o se lālā mo le nonōina i tua o aitema.
Afai e te alala i fafo atu o Ueligitone (e pei o le Hutt City, o Porirua, o Paraparaumu) e mafai ona avea oe ma tagata fa'atagaina e fa'aaogā fale faitautusi a le tou pitonu'u, po'o lou resitara e fai oe ma tagata fa'atagaina e fa'aaogā le fale faitautusi o le a'ai o Ueligitone. (mo nisi fa'amatalaga i le auai pe afai e te nofo i fafo atu o le a'ai o Ueligitone).
| A e nonōina i tua se aitema, e tu'u atu e le tagata faigaluega o le fale faitautusi se lisiti iā te oe. O le lisi lenā o aitema uma ua e nonōina, ma le aso e toe fa'afo'i mai ai i le fale faitautusi. Fa'afo'i uma aitema sa e nonōina i le fale faitautusi na ave ai a o le i tapunia i le aso e tatau ona fa'afo'i mai ai. A leai, e i ai le sala e totogi. (nisi fa'amatalaga e uiga i fa'asalaga a le fale faitautusi) |
A lē iloa pe leaga se tusi o le fale faitautusi iā te oe, e tāua lou fa'afeso'ota'i mai o le fale faitautusi. E i ai le sala e totogi, ma, o aitālafu e lē totogia e ave i kamupan ao aitalafu.
O le Sa'ilia o Fa'amatalagaO Tagata Faigāluega o le Fale Faitautusi e avanoa mo fesoasoani. E mafai ona e fesili i ai e sa'ili ane se tusi ma oe, se mekasini, se CD po'o se DVD e te fia nonōina, po'o lou fesili fo'i mo ni fa'amatalaga o e fia maua. E le totogiina le tautua fesoasoani lea.O le lisi o fa'amatalaga o aitema (kataloki=catalogue) a le Fale Faitautusi, e i ai lisi o aitema uma lava e mafai ona nonōina. Sa'iliga o le lisi o alagā'oa. E sa'ili e i ī. Talosaga i seisi o le aufaigaluega e fa'asino ane le fa'aaogāga. Taofiga o AitemaAfai o lo'o fa'aaogā e se isi se aitema o e mana'o ai, e mafai ona tu'u lou igoa i le lisi fa'atalitali. A fa'afo'i mai loa le aitema, ona fa'afeso'ota'i atu lea o oe e le fale faitautusi. E $2 le totogi mo tagata mātutua. Fesili i se isi o le aufaigaluega e fesoasoani ane i le taofiga o se aitema. |
 |
| O nisi taimi e fia fa'afeso'ota'i oe e le fale faitautusi - mo se fa'ata'ita'iga, e ta'u atu ua taunu'u le tusi sa e taofia,e te sau loa e ave i tua. O le telefoni e otometi e logoina oe. Afai e sesē le fa'amatalaga o lo'o avatu ai, e tāua lou fa'afeso'ota'i mai o le fale faitautusi i le (801-4040). |
'Ua mafai nei ona fa'aopoopo aso o nonōgātusi
'Ua mafai nei ona toe fa'aopoopo se vaiaso e tasi i aso sa 'e 'aveina ai i tua tusi po'o nisi mea. E $1 le tau 'ole'ā iai mo se tusi ma nisi tau pe'āfai e tatau ai (e pei o DVDs a tagata mātutua). E lē mafai ona toe fa'aopoopo nisi aso o au mea sa 'ave i tua pe'āfai o lenā 'ua sili aso, pē 'ua māe'a ona fa'aleoleo lea tusi po'o se mea mo se isi tagata. Fesili i se tagata faigāluega o le falefaitautusi pē mafai fo'i ona siaki lava e 'oe lau pepa o le falefaitautusi i le 'upega o feso'ota'iga www.wcl.govt.nz/card. 'A oso ane loa le tala'aga o nonōgātusi, tu'u se fa'asa'o pe maka le pusa mo le mea 'e te mana'o e fa'aopooo aso ma fa'asa'o le 'renew selected items', (pe 'āfai 'e te mana'o e fa'afou mea 'uma, tau ina filifili le 'renew all items'. Ona fa'aali atu lea i luga o le komepiuta le aso fou e fa'afo'i mai ai au tusi. Mo nisi fa'amatalaga e uiga i nei 'au'aunaga, fesili i le falefaitautusi a la 'outou pitonu'u.
Feso'ota'iga Fa'amanatu e 'auala i le 'imeli
'Ua mafai nei ona 'e talosagaina i le 'imeli le fa'aleoleo o se tusi po'o fa'asilasilaga fo'i o au tusi 'ua 'ova aso. Pau le mea 'e te mana'omia 'o le fa'atumu o le pepa online form pē fesili i le falefaitautusi a la 'outou pitonu'u.
O le Upega o Fa'amaumauga a le Fale Faitautusi ma le Initaneti (internet)
O le upega o fa'amaumauga a le Fale Faitautusi o le, www.wcl.govt.nz e maua uma ai alagā'oa e tele.
| E i ai masini e fai fua ai feso'ota'iga i le internet, i fale faitautusi uma o Ueligitone. E mafai ona fa'aaogā mo le feso'ota'i atu ai i so'o se Matagaluega a le Mālō (e aofia ai le Matāgāluega o le Ōfisa o Femālagaa'iga), e aula atu i ā latou upega o fa'amaumauga. |
O le Upega o fa'amaumauga a le Fale Faitautusi e maua ai fa'amatalaga ta'iala o matā'upu, e pei o matā'upu i matāfaioi fa'amātua, ma pisinisi. O nisi vāega e mana'omia ai sau upu ulufale (password) (ma lau pepa o le fale faitautusi), e maua ane ai tala fou mai nusipepa. Mo se fa'ata'ita'iga, e maua ai tala fou mai le nusipepa o le South China Morning Post.
