Na Veimataqali Cakacaka kei na i Vakamacala ni Veicakacaka me Sasagataki
Na Vale ni Wilivola na Central Library
(Victoria St, City)
Era tu e na Central Library na i vola me baleta na veimataqali cakacaka kei na veicakacaka me sasagataki, e na i matai ni taba vale. Era rawa ni kunei e na kedra vata mai na 650.1 ki na 650.14. E wili e na veiulutaga era tu kina na kena vakarautaki na i vakalekaleka ni veika me baleti koya e kere cakacaka, na kere cakacaka, na i walewale ni veivakatarogi me baleta na kere cakacaka, kei na vakaqaqara cakacaka.
E tu e so na i tukutuku e yaga vei ira na gone era qase cake, e na i wasewase me baleti ira na Cauravou kei na Gone Yalewa e na i taba vale e ra.
Kevaka ko gadreva na veivuke, yalovinaka kerea e dua na vakailesilesi e na vale ni wilivola me vukei iko, ni rawa ni kunei na mataqali i tukutuku e sema vata kei na ulutaga ko vinakata, e na dua tale na vanua e na loma ni vale ni wilivola.
Na Veitabana ni Vale ni Wilivola
Era tautauvata na naba ni vata e na veitabana ni vale ni wilivola era tu kina na i vola me baleta na veicakacaka me sasagataki kei na veimataqali cakacaka raraba. Era tautauvata na mataqali i vola, ia e lailai sobu na kedra i wiliwili.
Kevaka e dua e sa taura na i vola ko vinakata se tiko e na dua tale na vale ni wilivola, e dodonu mo vakaqara e na vanua e tabaki taucoko tu kina na i vola era tiko e na vale ni wilivola. E rawa ni ko sauma e $2 me tauri tu kina vakawawa vei iko e dua na i vola, ka na vakau ki na vale ni wilivola e na vanua ko vakaitikotiko kina mo qai la'ki taura kina.
E tu e na komipiuta e levu tale na sala e rawa ni vakayagataki me kunei kina na mataqali i tukutuku yaga. Kevaka ko gadreva na veivuke, yalovinaka kerea e dua na vakailesilesi e na vale ni wilivola me vukei iko.
Na vakaqaqara e na vanua e tabaki taucoko tu kina e na komipiuta na i tukutuku ni vola era tiko e na vale ni wilivola
E vinaka me tekivu na vakaqaqara mai na BASIC SEARCH (na i tauyavu ni vakaqaqara). E daumaka sara me vakayagataki na SUBJECT BROWSE (vakaqaqara vakaulutaga) se na KEYWORD (vakaqarai e dua na vosa bibi) e na vakaqaqara. Na veiulutaga e koto oqo e ra, e na kauti iko vakadodonu sara ki na vanua ko vinakata.
- RESUMES, e na vakaraitaka vei iko na i vola era tu me baleta na vakarautaki ni CV (na i tukutuku lekaleka ni veika me baleti iko).
- APPLICATIONS FOR POSITIONS, e na vakaraitaka vei iko na i vola era tu kina na i vakasala me baleta na kena volai na i vola vinaka e rawa ni vola me sala vata kei na i vola ni kere cakacaka, kei na i vola ni kere cakacaka, ka tu vata kaya na kena sabolo.
- JOB INTERVIEWS, e na vakaraitaka vei iko na i vola era rawa ni vukei iko e na gauna ni veivakatarogi e na vuku ni kere cakacaka.
- JOB HUNTING, e na vakaraitaka vei iko na i vola era tu kina na i vakasala me baleta na veisala ni vakaqaqara cakacaka, ka vaka kina na vakararai cakacaka e na komipiuta.
- OCCUPATIONS, e na vakaraitaka vei iko na i vola era tu kina na veika me baleta na veicakacaka me sasagataki, na kila ka vakacakacaka kei na i vakatagedegede ni vuli me sa tu rawa ni bera ni kerei na cakacaka.
- CAREER CHANGES, e na vukei iko kevaka ko nanuma tiko mo veisautaka na nomu cakacaka ka ko via kila na ka mo cakava.
- CAREER DEVELOPMENT, e na vakaraitaka vei iko na i vola era rawa ni vukei iko me toso vata tiko kei na gauna na nomu kila ka vakacakacaka, se na sala ko rawa ni vakaraitaki iko raraba kina kei na nomu kila ka vakacakacaka
Na Niusiveva kei na i Vola Tukutuku e vakagauna na kedra tabaki
E tu e na veivale ni wilivola taucoko na i lavelave ni niusiveva na Dominion Post. E dau tabaki e na pepa ni Vukelulu kei na Vakarauwai na veimataqali cakacaka e rawa na kerekere kina.
E tu talega e na Central Library na niusiveva mai na veiyasai Niu Siladi, ka wili kina na NZ Herald, na Press kei na Otago Daily Times.
E rawa talega ni ko vakayagataka na komipiuta e na veivale ni wilivola taucko e Weligitoni, mo wili niusiveva kina. E sega ni saumi. E rawa talega ni wiliki kina na niusiveva e na veiyasai Niu Siladi kei na so na vanua tani. (Tabaka eke kevaka ko vakayagataka tiko na sala ni veitaratara e sega ni saumi e na PC se dua na komipiuta e na taudaku ni vale ni wilivola).
Na Vanua Yaga ni Vakaqaqara i Tukutuku e na Komipiuta (Websites)
E sega ni saumi na veitaratara kei na veitabana vakamatanitu e na komipiuta e na veivale ni wilivola yadua e okati kina veitabana oqo:
- Department of Immigration, na i tukutuku me baleta na cakacaka e Niu Siladi, na kere i vola tara ni cakacaka kei na veika tale e so.
- Career Services Rapuara, na Tabana ni Matanitu e vakarautaka na i tukutuku me baleta na mataqali cakacaka me sasagataki, na i vakasala kei na veituberi.
- KiwiCareers, e sauma na matanitu na vanua e tabaki kina e na komipiuta na veika me baleta na mataqali cakacaka e tu e Niu Siladi, na veivanua ni cakacaka kei na vuli cakacaka, kei na i sema vakakomipiuta ki na veivanua tale e so me baleta na cakacaka
- Seek, na vanua ni vakaqaqara cakacaka e vakayagataki vakalevu duadua e Niu Siladi.
- Job Stuff, na veicakacaka e tabaki e na niusiveva.
- New Zealand Government Jobs Online, na i vakamacala me baleta na Cakacaka Vakamatanitu.
- National Library of New Zealand, na semasemati vata ni vanua e tabaki kina e na komipiuta na veika me baleta na cakacaka
