« Previous Entries
» Next Entries

Category

Māori literature




  • Competition, M?ori Language Week, Māori literature

    Māwhai Tuhi, rā tuarua – Rātū! (English translation below)

    28.07.15 | Permalink | 8 Comments

    Āta mārie koutou katoa i tēnei ata ataahua runga rawa! Tēnā rā koutou mō ngā whakaurunga mo Rāhina, whuuu te rawe hoki o ngā whakaurunga katoa. He mea uaua rawa te whiriwhiri i tētahi anake engari kua toa a Te Rauhina mā te Rāhina – tūmeke ki a koe Te Rauhina! Kō wai te toa mō te Rātū? Whakauru mai ngā whiti ki te whakaroa te pakiwaitara nei. Patopato tō whakaurunga ki raro nei, ki te whārangi o te Māwhai Tuhi rānei. Kei a koutou te mana… karawhiuā! Hei whakanui i Te Wiki o Te Reo Māori 2015, kei te mahi pakiwaitara tuhituhi ā-ipurangi Te Matapihi ki te Ao Nui, ā, ka taea e koe e tō kura rānei he taonga te wini. Kua oti kē i te kaituhi rongonui haere nei a Paora Tibble, te whiti tuatahi te tuhituhi, ā, māu e āpiti atu ō tuhituhi ki te pakiwaitara ia rā, hei te 27-31 o Hūrae. Ka whiriwhiri kotahi te whiti ia rā (tae atu ki te 200 kupu), ka mutu hoki te pakiwaitara hei te ahiahi o te Paraire te 31 o Hūrae. Kotahi te reanga: Kura Tuarua (tau 9-13) Ka whiwhi taonga te toa kaituhi, ā, mō te kura e nui ana te takiuru mai : he haki hei hoko pukapuka Ānei te pakiwaitara tae atu ki tēnei wā…

    ‘Tākiri mai te ata, tākiri mai te awatea …’ Kei te whakarongo ngā taringa, engari kua kapi ngā whatu. I oho mōata mātou kia tae mai ki konei. Engari, kei te hiamoe tonu au. Ka panaia tōku tuara, ka hongi tōku ihu i te papa. “E oho Mata, titiro!” Ka rangona te auē o ōku hoa, “Whuuuu …” Anga atu ana tōku kanohi ki waho ki te moana, “Ehara …” “Ehara tonu! He aha tērā?” tāku hāmama ki ōku hoa. “Tē aro i a au tērā ika nui.” te whakautu a tōku hoa. “Te āhua nei he marakihau, arā he taniwha. Tirohia ki ōna whatu muramura.” “Āe mārika! Ira tōna tāwiriwiri e tātā ana i te wai i Te Moana i Raukawakawa” “He parihau ōna? Pērā i te tarākona?” “Me te mea nei, āe!” “Whuuuu! Tērā pea ka hoki mai a Ngake e rapu ana i a …

    Good morning! Thank you all for your entries to our Māwhai Tuhi competition for Monday, the standard of all the entries really wowed us. It was very difficult to choose just one, but Te Rauhina is our winner for Monday – awesome work, Te Rauhina! Who will be the winner for Tuesday? Enter your paragraph now to continue the story. Enter below, or on the Māwhai Tuhi page. The ball is in your court – go for it! To celebrate Māori Language Week 2015, Wellington City Libraries – Te Matapihi ki te Ao Nui – is holding an online story-writing competition, and you or your school could win a prize! Celebrated author, Paora Tibble, has written the first paragraph of our story, and it’s up to you to add what you think should come next each day, from June 27 to 31. We will choose one entry every day (up to 200 words), and the story will finish on Friday the 31st of July There will be one competition grade: Secondary School (years 9-13) The overall winning writer will receive a prize, and the school with most entries will receive a book voucher. Here is the story so far…

    ‘Tākiri mai te ata, tākiri mai te awatea …’ Kei te whakarongo ngā taringa, engari kua kapi ngā whatu. I oho mōata mātou kia tae mai ki konei. Engari, kei te hiamoe tonu au. Ka panaia tōku tuara, ka hongi tōku ihu i te papa. “E oho Mata, titiro!” Ka rangona te auē o ōku hoa, “Whuuuu …” Anga atu ana tōku kanohi ki waho ki te moana, “Ehara …” “Ehara tonu! He aha tērā?” tāku hāmama ki ōku hoa. “Tē aro i a au tērā ika nui.” te whakautu a tōku hoa. “Te āhua nei he marakihau, arā he taniwha. Tirohia ki ōna whatu muramura.” “Āe mārika! Ira tōna tāwiriwiri e tātā ana i te wai i Te Moana i Raukawakawa” “He parihau ōna? Pērā i te tarākona?” “Me te mea nei, āe!” “Whuuuu! Tērā pea ka hoki mai a Ngake e rapu ana i a …


  • Competition, M?ori Language Week, Māori literature

    Pānui tuatahi o te māwhai

    27.07.15 | Permalink | 3 Comments

    Ata mārie kaituhi mā! Hei whakanui i Te Wiki o Te Reo Māori 2015, kei te mahi pakiwaitara tuhituhi ā-ipurangi Te Matapihi ki te Ao Nui, ā, ka taea e koe e tō kura rānei he taonga te wini. Kua oti kē i te kaituhi rongonui haere nei a Paora Tibble, te whiti tuatahi te tuhituhi, ā, māu e āpiti atu ō tuhituhi ki te pakiwaitara ia rā, hei te 27-31 o Hūrae. Ka whiriwhiri kotahi te whiti ia rā (tae atu ki te 200 kupu), ka mutu hoki te pakiwaitara hei te ahiahi o te Paraire te 31 o Hūrae. Kotahi te reanga: Kura Tuarua (tau 9-13) Ka whiwhi taonga te toa kaituhi, ā, mō te kura e nui ana te takiuru mai : he haki hei hoko pukapuka. Ānei te whiti tuatahi – karawhiua!   ‘Tākiri mai te ata, tākiri mai te awatea …’ Kei te whakarongo ngā taringa, engari kua kapi ngā whatu. I oho mōata mātou kia tae mai ki konei. Engari, kei te hiamoe tonu au. Ka panaia tōku tuara, ka hongi tōku ihu i te papa. “E oho Mata, titiro!” Ka rangona te auē o ōku hoa, “Whuuuu …” Anga atu ana tōku kanohi ki waho ki te moana, “Ehara …” Hei aha inaianei? Kei a koe…


  • Adrienne, Competition, Māori literature, Writing

    Māori Language Week writing competition – Win stuff!

    27.07.15 | Permalink | Comments Off on Māori Language Week writing competition – Win stuff!

    Mawhai Tuhituhi 1

    Māwhai Tuhituhi online Te Reo writing competition for Te Wiki O Te Reo Māori

    Hei whakanui i Te Wiki o Te Reo Māori 2015, kei te mahi pakiwaitara tuhituhi ā-ipurangi Te Matapihi ki te Ao Nui, ā, ka taea e koe e tō kura rānei he taonga te wini.

    Kua oti kē i te kaituhi rongonui haere nei a Paora Tibble, te whiti tuatahi te tuhituhi, ā, māu e āpiti atu ō tuhituhi ki te pakiwaitara ia rā, hei te 27-31 o Hūrae.

    Ka whiriwhirihia kotahi te whiti ia rā (tae atu ki te 200 kupu), mai i ia reanga, ka mutu hoki ngā pakiwaitara hei te ahiahi o te Paraire te 31 o Hūrae.

    Ko ngā Reanga: (Kura Tuarua) te Tau 9-13

    Ka whiwhi  taonga te toa kaituhi, ā, mō te kura e nui ana te takiuru mai  : he haki hei hoko pukapuka

    Kia whai wāhi koe ki te wini, tūhono mai ā-ipurangi ka tuhituhi mai rā: wcl.govt.nz/mawhaituhi

     

    mawhai tuhituhi 2

    To celebrate Te Wiki o Te Reo Māori 2015, Wellington City Libraries are weaving an online story, with the chance for you and your school to win a cool prize.

    Well-known author, Paora Tibble, will write the first paragraph but we need you to continue the story each day, from 27-31 July.

    A paragraph (up to 200 words) will be selected each day to continue the story, and the stories will finish on Friday afternoon, 31 July.

    Age Group is: Year 9-13 high school students

    A prize will be awarded to an overall winner, (Samsung 7” lite tablet) and book vouchers ( worth $250.00) for the school with the most entries.

    For your chance to win, join us online and weave your story: wcl.govt.nz/mawhaituhi


  • Competition, M?ori Language Week, Māori literature, Uncategorized

    Whano, whano! Haramai te toki! Haumi ē! Hui ē! Tāiki ē!

    01.08.14 | Permalink | Comments Off on Whano, whano! Haramai te toki! Haumi ē! Hui ē! Tāiki ē!

    Ko wai ngā toa o te Māwhai Tuhituhi? He roa rawa koutou e tatari mai, heoi anō, ko te toa o ngā toa e rima … ko Lizzie.

    Tēnei te mihi ki a Lizzie, nāu te pakiwaitara i whakakapi, nāu te paparorohiko!
    Nā tōu kura te ‘haki pukapuka’ hoki.

    Ko te kura kaha ki te tautoko te whakataetae Māwahi Tuhituhi ko ‘Te Kura Kaupapa Māori o Te Ara Hou’

    Tēnei te mihi ki a koutou te whānau o te kura nei. Nā koutou tētahi atu ‘haki pukapuka’.

    Tēnei te mihi ki a koutou katoa i uru mai ki te whakataetae nei.


  • Competition, M?ori Language Week, Māori literature, Uncategorized

    Ko Koe tonu a runga!

    27.07.14 | Permalink | Comments Off on Ko Koe tonu a runga!

    Anana! Tēnā koe Lizzie,  ko koe te toa o Rāmere.  Kua oti pai te pakiwaitara!


  • Competition, M?ori Language Week, Māori literature, Uncategorized

    Ka mutu pea

    25.07.14 | Permalink | Comments Off on Ka mutu pea

    Ka mihi mātou o ‘Te Matapihi Ki te Ao Nui’, arā, ko mātou o ngā wharepukapuka o Poneke ki a koutou ngā kaituhituhi o te motu nei.  He pai ngā ariā katoa katoa.

    A te Rāhina ka whakapāhotia ngā ingoa o ngā whakaihuwaka matua o te Māwhai Tuhituhi.


  • Competition, M?ori Language Week, Māori literature, Uncategorized

    Tau Kē Nei – Te Toa o te Rā

    25.07.14 | Permalink | Comments Off on Tau Kē Nei – Te Toa o te Rā

    Tēnei te mihi ki a Rongomai, ka pai koe, Ko koe te toa o te Rāpare!
    Ākuanei ka tuku imera ki a koe e Rongomai .


  • Competition, M?ori Language Week, Māori literature, Uncategorized

    Te rā whakamutunga o Māwhai Tuhituhi

    25.07.14 | Permalink | 10 Comments

    Kia ora anō koutou mā

    Ko tēnei te rā whakamutunga o Māwhai Tuhituhi. Ki a koutou ngā kaituhituhi kei te mihi, kei te mihi.

    Me pēhea te whakakapi i te pakiwaitara nei?

    He whakataetae te Māwhai Tuhituhi. Kua oti kē ngā whiti e rima, kei a koe te ariā o te whiti whakamutunga. Āpiti atu tō tuhituhi ki te pakiwaitara ia rā, mō ngā rā 21-25 o Hūrae.

    Mēnā ka hiahia koe ki te uru ki te whakataetae haere ki te whārangi o te māwhai tuhituhi, pāngia te pikitia “māwhai tuhi” ki runga rā , āpiti tō tuhi ki te wahanga tuhi ki raro nei rānei.

    Ka whiriwhirihia kotahi te whiti ia rā hei wini i te taonga o te rā, ki te wikitoria i te taonga nunui pea, ā, ki te hono ki te pakiwaitara mo te whiti o te rā.

    Karawhiua!!! Tuku mai tāu tuhituhi, māu te whiti tuarima pea?

    Ānei te pakiwaitara ……

    Kua horoia ngā rīhi, ka paoho mai te pouaka whakaata, “I tēnei wā ka huri ki ngā matapae huarere mō āpōpō, tērā te whakatūpato a Te Ratonga Tirorangi, he āwhā, he hau āwhiwhio …” Kātahi ka weto te pouaka whakaata! Ka weto ngā raiti o te whare! Kua pō uriuri.

    Ngaro hirea ana nga tangi o te ao. Matapiko ana te hau awhiowhio i waho, ka tau. PAKO! Keko ana te tiro a Pita i te aro pena o te hitawe. Ka taka te mahana o te whare, kui ana te hau o roto. Pakaru ana tana hamuti i te kitenga o te atarangi a tana Kuia.

    E kui, kaua koe e whakapupuni atu i ngā kokonga o te whare, i whakaaro au ko koe tētahi tangata kōhuru, tata au ki te tioro. Ka kata pai te kuia, ānei te rama e Makere, tērā pea mēnā ka kite koe i tētahi tangata kōhuru, karanga mai, mā tāua ia e whakarau!

    I roto i te matapihi i kitea i tetahi tangata kohuru pera ki nga korero ta kui, “E KUI, E KUI, HAERE MAI!!” I ohorere te tangata engari i haere tonu ki roto i te matapihi ki te tikina i ahau engari ara a kui e patua ana i te tane me tona peke, ka tangohia ia i tona huna kanohi a ka ki ia “Nau tenei whare?” ka whaka utu a kui “ae haere atu kaore koe ka noho ki konei inaeanei!!” ka tiro te tane ki ahau,a, ka patai ia ” He aha tou ingoa e tama?” Kaore ahau ka taea te whakautu, kaore toku waha ka whakae moku ki te whakaputa toku ingoa ki tenei tane.

    “Makere, tiki i taku waea pukoro, waea atu ki te pirihimana. Māku teēnei tangata e wepua… INAIANEI HAERE!”
    Ka oma atu a Makere. Ka hikoi taumaha mai tēnei tangata nui, weriweri ki ahau….”Auē e tama, me pēhea koe e taieritanga i ahau”
    Ka hikina ia i ahau ma taku korokoro…”HA HA HAAAAA, KUA ROA TE WA I TATARI AHAU MO TENEI WA TONU. KUA MATE KATOA TOKU WHANAU, ATU I A KOE….PITA!
    “K – Ko wai koe, p-pehea koe mohio a-ai I ahau?’’ te pakaru haere o toku reo
    “E Pita, ko koe taku tama, ko au….to Papa!”
    “PITA PITA, KARE TE WAEA E KA ANA, KARE TONA HIKO….”

    …….ka aha ināianei?


  • Competition, M?ori Language Week, Māori literature, Uncategorized

    Anō te pai!

    24.07.14 | Permalink | Comments Off on Anō te pai!

    Kua riro i a HAPINA te paraihe angitu a te kaiwhakawā, he rawe tāu tuhituhi īnanahi.
    Ākuanei ka tuku imera ki a koe e Hapina .


  • Competition, M?ori Language Week, Māori literature, Uncategorized

    Māwhai Tuhituhi – Rāpare

    24.07.14 | Permalink | 11 Comments

    Kia ora anō koutou mā

    Ka haere te paki ki wīwī, ka haere te paki ki wāwā, heoi ko te urupounamu, ka haere te paki ki hea i tēnei rā

    He whakataetae te Māwhai Tuhituhi. Kua oti kē ngā whiti e whā, kei a koe te ariā o te whiti tuarima. Āpiti atu tō tuhituhi ki te pakiwaitara ia rā, mō ngā rā 21-25 o Hūrae.

    Mēnā ka hiahia koe ki te uru ki te whakataetae haere ki te whārangi o te māwhai tuhituhi, pāngia te pikitia “māwhai tuhi” ki runga rā , āpiti tō tuhi ki te wahanga tuhi ki raro nei rānei.

    Ka whiriwhirihia kotahi te whiti ia rā hei wini i te taonga o te rā, ki te wikitoria i te taonga nunui pea, ā, ki te hono ki te pakiwaitara mo te whiti o te rā.

    Karawhiua!!! Tuku mai tāu tuhituhi, māu te whiti tuarima pea?

    Ānei te pakiwaitara ……

    Kua horoia ngā rīhi, ka paoho mai te pouaka whakaata, “I tēnei wā ka huri ki ngā matapae huarere mō āpōpō, tērā te whakatūpato a Te Ratonga Tirorangi, he āwhā, he hau āwhiwhio …” Kātahi ka weto te pouaka whakaata! Ka weto ngā raiti o te whare! Kua pō uriuri.

    Ngaro hirea ana nga tangi o te ao. Matapiko ana te hau awhiowhio i waho, ka tau. PAKO! Keko ana te tiro a Pita i te aro pena o te hitawe. Ka taka te mahana o te whare, kui ana te hau o roto. Pakaru ana tana hamuti i te kitenga o te atarangi a tana Kuia.

    E kui, kaua koe e whakapupuni atu i ngā kokonga o te whare, i whakaaro au ko koe tētahi tangata kōhuru, tata au ki te tioro. Ka kata pai te kuia, ānei te rama e Makere, tērā pea mēnā ka kite koe i tētahi tangata kōhuru, karanga mai, mā tāua ia e whakarau!

    I roto i te matapihi i kitea i tetahi tangata kohuru pera ki nga korero ta kui, “E KUI, E KUI, HAERE MAI!!” I ohorere te tangata engari i haere tonu ki roto i te matapihi ki te tikina i ahau engari ara a kui e patua ana i te tane me tona peke, ka tangohia ia i tona huna kanohi a ka ki ia “Nau tenei whare?” ka whaka utu a kui “ae haere atu kaore koe ka noho ki konei inaeanei!!” ka tiro te tane ki ahau,a, ka patai ia ” He aha tou ingoa e tama?” Kaore ahau ka taea te whakautu, kaore toku waha ka whakae moku ki te whakaputa toku ingoa ki tenei tane.

    …….ka aha ināianei?


« Previous Entries
» Next Entries