Wellington City Libraries

Te Matapihi Ki Te Ao Nui

Search options

Teen Blog

Reading, Wellington, and whatever else – teenblog@wcl.govt.nz

Māwhai Tuhi, rā tuatoru – Rāapa!

Āta mārie anō koutou! I noho puku maua i te whare pukapuka i tēnei ata i te tino uaua o te whiri whiti mō tē rā nei. I tono mai koutou i ētahi whiti mō Paikea, mo te marakihau, mō tētahi utu – kā miharo atu ana māua ki ngā ariā katoa. Engari ko tā mātou whiringa mo tē rā tuarua ko… Waimarino! Tēnā koe Waimarino mō tō whiti whakawehi. Tēnā koe hoki ki ngā kaiwhakataetae katoa, me ki te Kura o te Ara Hou mō ō koutou kaha ki te tuku whiti mai! Ākuanei pea… Me aha ināianei? Kei a koutou te mana…   Ānei te paki i tēnei rā…

‘Tākiri mai te ata, tākiri mai te awatea …’ Kei te whakarongo ngā taringa, engari kua kapi ngā whatu. I oho mōata mātou kia tae mai ki konei. Engari, kei te hiamoe tonu au. Ka panaia tōku tuara, ka hongi tōku ihu i te papa. “E oho Mata, titiro!” Ka rangona te auē o ōku hoa, “Whuuuu …” Anga atu ana tōku kanohi ki waho ki te moana, “Ehara …” “Ehara tonu! He aha tērā?” tāku hāmama ki ōku hoa. “Tē aro i a au tērā ika nui.” te whakautu a tōku hoa. “Te āhua nei he marakihau, arā he taniwha. Tirohia ki ōna whatu muramura.” “Āe mārika! Ira tōna tāwiriwiri e tātā ana i te wai i Te Moana i Raukawakawa” “He parihau ōna? Pērā i te tarākona?” “Me te mea nei, āe!” “Whuuuu! Tērā pea ka hoki mai a Ngake e rapu ana i a … “Whataitai!!! Kātahi ka, rongo ngā tāngata o Te Whanga-nui-a-tara te papa e neke ana. Tērā pea, ko whataitai tērā e oho ana? Ka rongo a Ngake i tētahi rū, ka kaukau totika. Āe mārika!! Ko Whataitai tērā e oho ana. E kore rawa! He tino whitinga a Ngake, ā, ka noho ā…..”

TUkuna mai tō whiti ki raro nei, kei te whārangi Māwhai Tuhi rānei. Karawhiua!

Previous

Māwhai Tuhi, rā tuarua – Rātū! (English translation below)

Next

Māwhai Tuhi, rā tuawhā – Rāpare!

6 Comments

  1. Tj

    Äwanganga a Paora mä. “Me aha tätou kia kaua a Whätaitai e rü i te whenua anö?” te pätai a Paora. I a rätou e noho ana me te whakaaro me aha kia kaua a Whätaitai e rü anö i te whenua, ka toka mai te whakaaro o Mana. “Me haere tätou ki te kimi i a Whätaitai me te kite he aha töna raru” Ka whakaae a Paora mä, nö reira….

  2. Katia

    Te Atiawa kuaō, arā, ko ngā uri o tēnei rohe i ngā maunga tapu. Kei Ahumairangi, Matairangi, Pukeahu, Pukeatua, Pukeariki. Ka tīmata rātou ki te inoi ki ngā Atua Māori. Ka karakia rātou ki a Papa-tū-ā-nuku kia mutu ai te rūwhenua. Ko tā rātou tono ki a ia kia patipati i tāna pōtiki, ko Rūaumoko, kia whakamārie i a ia. Engari, auake ake! Kua oho kē a Whātaitai. Ka karekare ngā ngaru o Te Moana i Raukawakawa. Ka waipuke te awa o Te Awakairangi me ngā wai o Waiwhetu me Awamutu. Ka puea te kapuni. Ka kā ngā ahi. Ka tīmata ngā maunga ki te whanake. Kātahi ka …

  3. Delaynie

    āmaimai a Ngake nā te tirotiro kau ana mā Whātaitai ki Te Whanganui-a-Tara. Nā te moe roa a Whātaitai i ērā tāu kua pahawa, kua oho ake ia inaiānei.” “Ira! He aha tērā kei tawhiti?”, “ki hea?” te pātai a Te Ureia. “Kei rō wai?” te kōrero kōtere whererei a Mata. “Aaaaah….

  4. Tairea

    He tino whitinga a Ngake, ā, ka noho ā matou katoa ki te aro atu ki te taniwha e kaukau ana I roto I te moana. Kei te mataku haere te nuinga o te ropu na te mea kei te whakaaro ratou ka tae mai o Ngake kia kai I ratou, he whakaaro porangi tera. Whai muri I te aronga I haere ki roto I te moana kia tango whakaahua o te taniwha, engari I te wa I kaukau ki te wahi o taniwha kei ko ra tetahi aihe noa.

  5. Wayne

    E kore rawa! He tino whitinga a Ngake, ā, ka noho ā Pita me ōku hoa. I oti te rū, i tiro atu ahau ki ngā wai, “ kei hea ngā taniwha?” taku kī atu, ka whakaae te katoa. “ko taku e kite ana ko Paikea anake!. E pōhutu ana ia i te wai mā tōna waero”. “ me haere tatou, kia kite mehemea kua horo te tāone” te kī a Māmā, ā , i haere matou. I noho a Mereana ki te taha moana hei mātai ia Paikea. I tā matou hokinga atu ki te moana i…………

  6. Whakaahurangi

    Ka kōhimuhimu atu a Ngake ki a Whātaitai, “E hoa, kua hoki mai ahau, tērā pea ka haere mai koe ki tōku taha ki te moana, tākaro ai, kaukau ai, ki te papamoana o Te Moana-tāpokopoko-a-Tāwhaki!”. Ka menemene a Ngake. Engari nā wai rā kua poururu mai tōna kanohi nā te kore whakautu a Whātaitai. “E hoa, kei te pai koe?” te kōrero a Ngake. “Āe mārika! Pārekareka ana tō whakaaro e hoa” te whakautu a Whātaitai. “Engari…

Comments are closed.