«
»

Competition, M?ori Language Week, Māori literature, Uncategorized

Te rā whakamutunga o Māwhai Tuhituhi

25.07.14 | 10 Comments

Kia ora anō koutou mā

Ko tēnei te rā whakamutunga o Māwhai Tuhituhi. Ki a koutou ngā kaituhituhi kei te mihi, kei te mihi.

Me pēhea te whakakapi i te pakiwaitara nei?

He whakataetae te Māwhai Tuhituhi. Kua oti kē ngā whiti e rima, kei a koe te ariā o te whiti whakamutunga. Āpiti atu tō tuhituhi ki te pakiwaitara ia rā, mō ngā rā 21-25 o Hūrae.

Mēnā ka hiahia koe ki te uru ki te whakataetae haere ki te whārangi o te māwhai tuhituhi, pāngia te pikitia “māwhai tuhi” ki runga rā , āpiti tō tuhi ki te wahanga tuhi ki raro nei rānei.

Ka whiriwhirihia kotahi te whiti ia rā hei wini i te taonga o te rā, ki te wikitoria i te taonga nunui pea, ā, ki te hono ki te pakiwaitara mo te whiti o te rā.

Karawhiua!!! Tuku mai tāu tuhituhi, māu te whiti tuarima pea?

Ānei te pakiwaitara ……

Kua horoia ngā rīhi, ka paoho mai te pouaka whakaata, “I tēnei wā ka huri ki ngā matapae huarere mō āpōpō, tērā te whakatūpato a Te Ratonga Tirorangi, he āwhā, he hau āwhiwhio …” Kātahi ka weto te pouaka whakaata! Ka weto ngā raiti o te whare! Kua pō uriuri.

Ngaro hirea ana nga tangi o te ao. Matapiko ana te hau awhiowhio i waho, ka tau. PAKO! Keko ana te tiro a Pita i te aro pena o te hitawe. Ka taka te mahana o te whare, kui ana te hau o roto. Pakaru ana tana hamuti i te kitenga o te atarangi a tana Kuia.

E kui, kaua koe e whakapupuni atu i ngā kokonga o te whare, i whakaaro au ko koe tētahi tangata kōhuru, tata au ki te tioro. Ka kata pai te kuia, ānei te rama e Makere, tērā pea mēnā ka kite koe i tētahi tangata kōhuru, karanga mai, mā tāua ia e whakarau!

I roto i te matapihi i kitea i tetahi tangata kohuru pera ki nga korero ta kui, “E KUI, E KUI, HAERE MAI!!” I ohorere te tangata engari i haere tonu ki roto i te matapihi ki te tikina i ahau engari ara a kui e patua ana i te tane me tona peke, ka tangohia ia i tona huna kanohi a ka ki ia “Nau tenei whare?” ka whaka utu a kui “ae haere atu kaore koe ka noho ki konei inaeanei!!” ka tiro te tane ki ahau,a, ka patai ia ” He aha tou ingoa e tama?” Kaore ahau ka taea te whakautu, kaore toku waha ka whakae moku ki te whakaputa toku ingoa ki tenei tane.

“Makere, tiki i taku waea pukoro, waea atu ki te pirihimana. Māku teēnei tangata e wepua… INAIANEI HAERE!”
Ka oma atu a Makere. Ka hikoi taumaha mai tēnei tangata nui, weriweri ki ahau….”Auē e tama, me pēhea koe e taieritanga i ahau”
Ka hikina ia i ahau ma taku korokoro…”HA HA HAAAAA, KUA ROA TE WA I TATARI AHAU MO TENEI WA TONU. KUA MATE KATOA TOKU WHANAU, ATU I A KOE….PITA!
“K – Ko wai koe, p-pehea koe mohio a-ai I ahau?’’ te pakaru haere o toku reo
“E Pita, ko koe taku tama, ko au….to Papa!”
“PITA PITA, KARE TE WAEA E KA ANA, KARE TONA HIKO….”

…….ka aha ināianei?


10 entries for “Te rā whakamutunga o Māwhai Tuhituhi

  1. Ocean says:

    “PITA! Titiro mai ki ahau. TITIRO! Ko koe taku tama”.
    Ehara au i tō tama! Kua mate kē tōku Pāpā! Ko wai koe ki te haramai ki tēnei whare! Puta atu! INAIANEI!!! Tō whakahihi, ka patua e au!”
    Kaore tō māmā i whakamōhio atu ki a koe? He tama whāngai noa koe ki tērā tāne i mate! Tē whakaae tō māmā kia tiaki au i a koe, i a koe e pēpī ana. Pātai atu ki tō kui! I kata kikino te tangata rā. “Nē rā e kui?” I tiro te tangata ki a kui, he mene taipō ki tana kanohi.
    Katahi i puta mai te reo o tōku kuia… “Kāo…. P-P-Piripi? Engari…. Kāo, ko te tikanga kei te whare herehere tonu koe e noho ana!!”
    “HAHAHAHAH”, te kata hātana o Piripi. “Kāo e kui. Kātahi anō au i puta”. I huri tōnā aroaro ki a Pita. Ka whakapono ki aku kōrero inaianei e tama?”
    I tiro a Pita ki tōna kuia, kō tōna māhunga kua tuohungia. “Kui….?”
    “Āe… moko…. Ko ia rawa tō pāpā”.

  2. Matena says:

    “Kao, ehara koe i taku pāpā, ka mātua mōhio kō wai taku pāpā, he mahi heahea noa tāu!” te whakahoki pukuriri o Makere ki taua tāne. Kei te hopī a Kui ki te oranga o Makere, “E Makere, kaua e maharahara kei te tere taku kimi i te taura hiko. Akuake nei ka penapena au ia koe!” Kei te pukuriri katoa a Makere ka whawhai atu ia ki te tāne rā, me te pōhēhē o taua tāne ka riro ia te mana whakahaere, engari mo tēnā! Kua hiki te kohu a Kui kei tōnā pēke kē tona taura hiko, ka tere ia ki te tikina. Ka whakamahi tērā hei wepua i te tau o taua tāne. Wai ka hua, wai ka tohu! Ka riro kē ma Kui rāua tahi ko Makere te mana whakahaere, naa tō rāua niwha i pērā ai.

  3. Lizzie says:

    “PITA! E mōhio ana ahau he āhuatanga hou tēnei mōu, me whakapono mai koe ki ōku korero!” Ko tā Pita whakahoki korero atu. “Ehara!!.. Ehara koe i tōku pāpā mōhio pū ahau ki tērā, haere atu!! I te pōrukuruku te ‘pāpā’ ia Pita. E tino mataku ana a Pita ki tōnā ‘pāpā’ arā te tāne kōhuru. “Kao! Ehara koe i tōku pāpā, mehemea ko koe tōku pāpā, tē mataku au i a koe”. I puri te pāpā ia Pita, “WAIHO I AU! Tukuna i au!” “Tēnā…Whakarongo mai e Pita”. “Kao! TUKUNA I AU!!” Nā te mea i whakamate te pāpā i ērā atu ō ngā tangata i whakaaro a Pita ka whakamate te pāpā i a ia…. “KAO! Kāore ahau e hiahia ana ki te mate! Kao!.” “Ko au tōu pāpā! Ko au!!” te kaha tangi atu ā te pāpā. I rongo a Pita ki tētahi karanga paku..Te karanga ā kui, e mea ana.. “Koia tōu pāpā.. koia tōu pāpā” I mea te pāpā “Ko au.” I whāki a Pita, “Ko koe…. K-k-ko au?” Me te whakahoki kōrero atu a pāpā “Ko au, ko koe.” I te wā ōrite i kōrero rāua “Ko tāua.” … À, i piri tata te tokorua, i hongi ràua, i tino aroha rāua ki a rāua anō.

  4. Chareef-Leen says:

    Ka mea atu a Pita ki a Makere, “kaua e waea atu” ka tau ia ki te papa ka tangi a Pita me te ki “Ēngari kua mate tōku pāpā, kua mate……” ka tau te wairua i waenganui ia rāua tahi, ka kōrero mō te rua haora. Ka pātai….Kei whea koe e noho ana pāpā? He aha ai kua hoki mai? Ka whakamōhio te pāpā he aha ai kua hoki mai….Ā, ka uru mai te kuia… ka ki atu “ Kia ora māmā, pēhea ana koe? “ ka menemene te katoa o te kuia rā, ki te kite i tōnā tama. Ka kata, ka tangi, ka harikoa te katoa o te wairua i waenganui i te whare. Ka tae mai te rangi whai mai, he rangi mokopuna!

  5. Ranui says:

    Pāpā? Ka taka te kauae raro o Pita, kua rangirua ia! Ka ui atu, “I whea koe i taku taitamarikitanga? I kōnei māua kō tō māmā, ara tōku kuia, e rapirapi ana i te kōhua! Ko ia tōku toka āhuru. Kua 18 taku pakeke inaianei. Whaiā ka puta mai koe, tōku pāpā”.
    “E Pita, 18 tau tōku pakeke i tō whanautanga mai. Kōtahi anake te wā i kite ahau i a koe. Ehara i te mea i oma atu ahau. Nā ngā kaikahaki ahau i mau atu. Kātahi anō ahau i oma atu!” Ohorere rawa a Pita.
    “Ka aroha pāpā”.
    “Haere mai taku pounamu kua herea inaianei te here i whati. Kua roa te wā taku tama, nā reira, me whakatika ahau i tenei pūare ki tō Manawa.

  6. Lizzie says:

    “PITA! E mōhio ana ahau he āhuatanga hou tēnei mōu, me whakapono mai koe ki ōku korero!” Ko tā Pita whakahoki korero atu. “Ehara!! Ehara koe i tōku pāpā mōhio pū ahau ki tērā, haere atu!! I te pōrukuruku te ‘pāpā’ ia Pita. E tino mataku ana a Pita ki tōnā ‘pāpā’ arā te tāne kōhuru. “Kao! Ehara koe i tōku pāpā, mehemea ko koe tōku pāpā, tē mataku au i a koe”. I puri te pāpā ia Pita, “WAIHO I AU! Tukuna i au!” “Tēnā..Whakarongo mai e Pita”. “Kao! TUKUNA I AU!!” Nā te mea i whakamate te pāpā i ērā atu ō ngā tangata i whakaaro a Pita ka whakamate te pāpā i a ia…. “KAO! Kāore ahau e hiahia ana ki te mate! Kao!.” “Ko au tōu pāpā! Ko au!!” te kaha tangi atu ā te pāpā. I rongo a Pita ki tētahi karanga paku..Te karanga ā kui, e mea ana.. “Koia tōu pāpā.. koia tōu pāpā” I mea te pāpā “Ko au.” I whāki a Pita, “Ko koe…. K-k-ko au?” Me te whakahoki kōrero atu a pāpā “Ko au, ko koe.” I kōrero rāua i te wā ōrite “Ko tāua.” À, i piri tata te tokorua, i hongi rāua, nui te aroha i waenganui i te tokorua rā whai muri i teerā.

  7. Chareef-Leen says:

    Ka mea atu a Pita ki a Makere, “kaua e waea atu” ka tau ia ki te papa ka tangi a Pita me te ki “Ēngari kua mate tōku pāpā, kua mate……” ka tau te wairua i waenganui ia rāua tahi, ka kōrero mō te rua haora. Ka pātai….Kei whea koe e noho ana pāpā? He aha ai kua hoki mai? Ka whakamōhio te pāpā he aha ai kua hoki mai….Ā, ka uru mai te kuia… ka ki atu “ Kia ora māmā, pēhea ana koe? “ ka menemene te katoa o te kuia rā, ki te kite i tōnā tama. Ka kata, ka tangi, ka harikoa te katoa o te wairua i waenganui i te whare. Ka tae mai te rangi whai mai, he rangi mokopuna!

  8. Hapina says:

    ‘’Kao! Kaore koe i tōku pāpā. I mate ia i te wā pēpi ahau’’ ‘’KAO’’ te kī a te tangata kōhuru ‘’Ko au tō Pāpā, i ngā wā o mua, i mua i tō whānautanga, i ahau tōku ake tamaiti. Ko Rawiri tōna ingoa, engari i te wā i piritahi māua ko tō Māmā, i te tino harawene ia i te mea he nui ake tōku aroha mō tōku tama ki te aroha ki aia, nā reira i whakamate ia i tōku tama!’’ Ka kaha heke mai ngā roimata o te tangata kōhuru. Me tōna kī “Engari i tiki au i tōku utu. I WHAKAMATE AU IA KUI! I WHAKAMATE AU I TŌ MĀMĀ!… Inaianei ko tō huri’’ I tiki te tangata i tētahi naihi, tata ki te ota i te tinana o Pita, engari i te titiro hohonutia te pāpā ki ngā whatu ō Pita, i kite i te mataku o roto i a Pita, i kite i tōna ake tama a Rawiri i roto ia Pita. Kātahi i huri te pāpā i te naihi kia ū ki tōna ake tinana *Hhhhhh* I whakamate ia i a ia anō. Me ōna kupu whakamutunga kia Pita. “A-a-arohamai Pita….”

  9. Pene says:

    I pātero a Pita. Irakati Hi!.

  10. Oceania says:

    AUE TAUKURI E!!!!!!! “Me aha ahau nani?” te kī a Makere. “Kei te pai, me tere kuhu koe ki roto i te whare me te whakakā i te hiko o te waea půkoro kia ora te waea nē?” “ āe rā kui”. ( i roto i tōnā reo tino tino mataku). I tere a Makere ki te whakakā i te waea kia waea ia ki te pirihimana, engari i kuhu te tangata kōhuru ki roto i te whare me te kimi i a Makere. I te wā i kimi te tangata kōhuru i a Makere i te ohorere ia, kāre ia i te mōhio ka aha tērā tangata ki a ia. I tarai a Makere ki te oma atu mai te tangata kōhuru, engari i hopu te tangata i a Makere, ā , i hopu ia i tōnā korokoro me te hiki i ōnā ringa. I kite te kuia i te tangata kōhuru, ā, i tere haere ia ki te whare e whakawhiti ana i tōnā whare me te pātai inā taea ana e ia te whakamahi i te waea. I whakae rātou. I tere waea te kuia i ngā pirihimana, “Aue aue!!! Kia tere kei konei tērā tangata kōhuru e hiahia ana koutou kia tere “. I tere ngā pirihimana ki te whare o te kuia , ā, i kite rātou i a ia. I whana ngā pirihimana i te kuaha, me te kuhu i te whare. I hopu ngā pirihimana i te tangata kōhuru, me te whakauru i a ia ki roto i te whare herehere. I te mutunga o te rā i roto te tangata i te whare herehere. I roto a Makere i te hohipera, nā te kaha mamae o tōnā tinana, engari i te pai tonu tōnā oratanga ki te taha o tōnā kuia. Whatungarongaro te tangata, toitů te whenua.


«
»