Mōrenā koutou katoa! Hei te ata nei kei te whakatūwhera mātou i te whārangi ipurangi mō te Māwhai tuhituhi, tā koutou pakiwaitara tuhituhi ā-ipurangi.
Kua oti kē i te kaituhi rongonui haere nei a Paora Tibble te whiti tuatahi te tuhituhi, ā, māu e whakamutua – āpiti atu ō tuhituhi ki te pakiwaitara ia rā, hei te 21-25 o Hūrae. Āpiti tō tuhi hei te wahanga tuhi ki raro nei, uru ki te whārangi o te māwhai tuhituhi hei te patohia i te pikitia “māwhai tuhi” ki raro nei ki tetukuna i tō tuhi ki a mātou.
Ka whiriwhirihia kotahi te whiti ia rā hei wini i te taonga mo te rā, ki te wikitoria i te taonga nunui pea, ā, ki te hono ki te pakiwaitara mo te whiti o te rā.
Tukuna mai ō whiti – kia tuhi!
Ānei te whiti tuatahi… me aha inaianei?
Kua horoia ngā rīhi, ka paoho mai te pouaka whakaata,
“I tēnei wā ka huri ki ngā matapae huarere mō āpōpō, tērā te whakatūpato a Te Ratonga Tirorangi, he āwhā, he hau āwhiwhio …”
Kātahi ka weto te pouaka whakaata! Ka weto ngā raiti o te whare! Kua pō uriuri.
Pihitahi
Ngaro hirea ana nga tangi o te ao. Matapiko ana te hau awhiowhio i waho, ka tau. PAKO! Keko ana te tiro a Pita i te aro pena o te hitawe. Ka taka te mahana o te whare, kui ana te hau o roto. Pakaru ana tana hamuti i te kitenga o te atarangi a tana Kuia.