Kia ora anō tamariki mā
Ka haere te paki ki wīwī, ka haere te paki ki wāwā, heoi ko te urupounamu, ka haere te paki ki hea i tēnei rā
He whakataetae te Māwhai Tuhituhi. Kua oti kē ngā whiti e whā, kei a koe te ariā o te whiti tuarima. Āpiti atu tō tuhituhi ki te pakiwaitara ia rā, mō ngā rā 21-25 o Hūrae.
Mēnā ka hiahia koe ki te uru ki te whakataetae haere ki te whārangi o te māwhai tuhituhi, pāngia te pikitia “māwhai tuhi” ki te taha nei , āpiti tō tuhi ki te wahanga tuhi ki raro nei rānei.
Ka whiriwhirihia kotahi te whiti ia rā hei wini i te taonga o te rā, ki te wikitoria i te taonga nunui pea, ā, ki te hono ki te pakiwaitara mo te whiti o te rā.
Karawhiua!!! Tukua mai tāu tuhituhi, māu te whiti tuarima pea?
Ānei te pakiwaitara ……
Kua horoia ngā rīhi, ka paoho mai te pouaka whakaata, “I tēnei wā ka huri ki ngā matapae huarere mō āpōpō, tērā te whakatūpato a Te Ratonga Tirorangi, he āwhā, he hau āwhiwhio …” Kātahi ka weto te pouaka whakaata! Ka weto ngā raiti o te whare! Kua pō uriuri.
Māmā! Māmā! Kua pakaru te pouaka whakaata, kua pakaru ngā rama katoa! Ka aha tātou nāianei? Ka tīmata taku hōtaka ākuanei. Aue!! Hei aha te pouaka whakaata e tama, tiki mai ngā kānara!!
Kei te hēti te pouaka o ngā rawa whai oranga ohotata ne māma? Ka haere au ki waho ki te tiki. Kia tūpato kei whara koe te ki o te māmā. Ka haere te tama ki waho engari kāore te hēti i reira. Ka ohorere te tama ki te tirohanga ki waho, kāore he hēti, kāore he mara, kāore he tiriti, engari he ngahere kei te karapoti kē i te whare nei. Ka hāmama te waha o te tama i te kitenga atu i te ngahere.
Ka oma ki waho tōna tuakana,”Aue” tāna kī, ka putē ngā karu o Kahu. Me haere tāua ki te hōpara i tēnei ngahere hou. Ka whawhai rāua mēnā me haere ki te ngahere. I hinga a Kahu. Hoake tāua, kātahi ka oma rāua ki roto i te ngahere me te pōuriuri ki muri.
…….ka aha ināianei?