Māwhai Tuhituhi – Rātū

Ata mārie tamariki mā

Inanahi rā i puta te whārangi ipurangi mō te Māwhai tuhituhi, tā koutou pakiwaitara tuhituhi ā-ipurangi. Kua oti kē ngā whiti e rua, kei a koe te whiti tuatoru. Āpiti atu ō tuhituhi ki te pakiwaitara ia rā, mō ngā rā 21-25 o Hūrae.

Mēnā ka hiahia koe ki te uru ki te whakataetae haere ki te whārangi o te māwhai tuhituhi, pāngia te pikitia “māwhai tuhi” ki te taha nei , āpiti tō tuhi ki te wahanga tuhi ki raro nei rānei.

Ka whiriwhirihia kotahi te whiti ia rā hei wini i te taonga o te rā, ki te wikitoria i te taonga nunui pea, ā, ki te hono ki te pakiwaitara mo te whiti o te rā.

Tukuna mai ō whiti – kia tuhi!

Ānei ngā whiti e rua……

Kua horoia ngā rīhi, ka paoho mai te pouaka whakaata, “I tēnei wā ka huri ki ngā matapae huarere mō āpōpō, tērā te whakatūpato a Te Ratonga Tirorangi, he āwhā, he hau āwhiwhio …” Kātahi ka weto te pouaka whakaata! Ka weto ngā raiti o te whare! Kua pō uriuri.

Māmā! Māmā! Kua pakaru te pouaka whakaata, kua pakaru ngā rama katoa! Ka aha tātou nāianei? Ka tīmata taku hōtaka ākuanei. Aue!! Hei aha te pouaka whakaata e tama, tiki mai ngā kānara!!

…….ka aha nāianei?

1 Response

  1. Grace 22 July, 2014 / 12:46 pm

    Kei te hēti te pouaka o ngā rawa whai oranga ohotata ne māma? Ka haere au ki waho ki te tiki. kia tūpato kei whara koe te ki o te māmā. Ka haere te tama ki waho engari kāore te hēti i reira. Ka ohorere te tama ki te tirohanga ki waho, kāore he hēti, kāore he mara, kāore he tiriti, engari he ngahere kei te karapoti kē i te whare nei. Ka hāmama te waha o te tama i te kitenga atu i te ngahere.

Comments are closed.