E faapefea ona ou resitara e auai i le fale faitautusi (library)?
E tatau ona aumai:
- Se fa'amāoniga e pei o se tusi folau, pepa o le faletupe (bank card), po'o le faamāoniga o oe o se tagata a'oga (student ID)
- O se tusi o lo'o tūsia ai lou tuātusi ma lou suafa. (e pei o se pili o le telefoni po'o le molī), pe o se fa'amaumauga o ou fa'amatalaga mai se fale tupe. (bank account)
- O se suafa ma se tuātusi o se isi tagata o lou aiga e lē o mau faatasi ma 'oe.
Ua i ai nei lau pepa o le fale faitautusi (library card):
- Aua e te tu'uina lau pepa o le fale faitautusi i se isi tagata.
- Logo mai matou pe afai ua sui lou tuātusi.
- Logo mai matou pe afai ua lē iloa lau pepa, pe ua gaoia fo'i.
O le ā le totogi?
E leai se totogi o lou resitara ma nonō i tua ni au tusi faitau pe afai e te alāla i Ueligitone.
| O Aitema | O le totogi | O le sala e totogi pe a tuai ona faafo'i |
|---|---|---|
| O Tusi faitau | E leai se totogi, e 4 vaiaso e nonō ai | 60sene i le aso le sala |
| Mekasini | E 50sene e totogi mo le vaiaso e tasi e nonō ai | 60sene i le aso le sala |
| O CD | E $1 e totogi mo le vaiaso e tasi e nonō ai | 60sene i le aso le sala |
| O DVD | E $4 e totogi mo le vaiaso e tasi e nonō ai | $1 i le aso le sala |
O aitema uma e tatau lava ona toe faafo'i mai i le fale faitautusi i le aso ua atofaina e faafo'i mai ai, a o le'i tāpunia.
O sala tupe e tatau ona totogiina mo aitema ua tuai ona fa'afo'i, pe ua lēiloloa, pe ua fa'aleagaina.
O aitālafu e lē totōgia, o le a tu'uina atu i kamupanī ao aitālafu.
Ia faafo'i uma aitema i le fale faitautusi lea sa e nonōina mai ai, ina ne'i e totogiina se sala e ta'i $1 mo aitema ta'itasi.
E i ai a matou tusi faitau, kaseti ma CDs mo tagata o lo'o a'oa'o la latou Igilisi.
Fa'amolemole fesili mai, pe afai e mana'omia se fesoasoani.